Շերտավոր խմոր առանց խմորիչի
Life
Բաղադրիչներ
Պատրաստման եղանակ
- Ձուն պատառաքաղով հարում ենք և ավելացնում ջուրը:
- Ավելացնում ենք քացախն ու խառնում (5% քացախի դեպքում կարելի է վերցնել 3 գդալ): Լցնում ենք աղն ու խառնում մինչև աղի բյուրեղները լուծվեն:
- Աստիճանաբար լցնում ենք մաղած ալյուրն ու միաժամանակ գդալով խառնում:
- Հունցում ենք համասեռ, բավական պինդ խմոր: Կարելի է այն մի քանի անգամ ծեծել սեղանի վրա: Խմորը պետք է թեթևակի կպչի ձեռքերին:
- Ստացված խմորը գնդում ենք: Փաթաթում ենք սննդային թաղանթի մեջ, որպեսզի երեսը չչորանա, թողնում ենք սենյակային ջերմաստիճանում 1-2 ժամ:
Խմորը սենյակային ջերմաստիճանում պետք է երկար ժամանակ մնա, որպեսզի սոսնձանյութն ակտիվանա, ու խմորը դառնա առաձգական: Հետո խմորը 30 րոպե պահում ենք սառնարանում, որպեսզի խմորի ու կարագի ջերմաստիճանները հավասարվեն:
- Սառեցրած կարագը խառնում ենք 40 գր կարագի հետ: Ստացված համասեռ զանգվածին 2 սմ հաստությամբ ուղղանկյան տեսք ենք տալիս: 20-30 րոպեով դնում ենք սառնարան: Կարելի է սառնարան դնել խմորի հետ միասին, ու միասին էլ հանել սառնարանից:
- Խմորի գունդը դանակով խաչաձև կտրում ենք և գրտնակում:
- Պետք է մեջտեղի մասը եզրերից հաստ լինի:
- Ստացված շերտի կենտրոնում դնում ենք կարագի ու ալյուրի սառած խառնուրդը:
- Ծածկում ենք խմորով, եզրերը ծրարի նման կամ հարմար այլ ձևով վրա բերում ու ամրացնում:
- Այնուհետև այսպես վրա բերում:
- Դնում ենք ալյուրով պատված սեղանին, կենտրոնից դեպի եզրեր զգուշությամբ գրտնակում: Պետք է ստացվի 1 սմ հաստությամբ ուղղանկյուն շերտ:
- Երկու ծայրերը կենտրոնում վրա ենք բերում՝ մեջտեղում նեղ լուսանցք թողնելով:
- Հետո աջ եզրը դնում ենք ձախի վրա, որպեսզի եզրերը հավասար նստեն իրար վրա:
- Խմորը 20 րոպեով դնում ենք սառնարան: Դրանից հետո գրտնակելուգործընթացը 3 անգամ կրկնում ենք:
Մեր շերտավոր խմորը պատրաստ է: Այժմ Ձեզ ենք ներկայացնում մի քանի պարզաբանումներ ու խորամանկություններ
- Խմորի մեջ ձվի առկայությունը թույլ է տալիս ունենալ ավելի որակյալ թխվածքներ:
- Խմորի մեջ քացախի ու աղի առկայությունը ոչ միայն ավելի համեղ է դարձնում թխվածքները, այլև խմորը դարձնում է ավելի առաձգական: Քացախը բարձրացնում է սոսնձանյութի ու ալյուրի որակը: Սակայն միաժամանակ պետք է խուսափել քացախի ու աղի չարաշահումից, այլապես դրանց համը զգալի կլինի թխվածքների մեջ:
- Ալյուրն անպայման պետք է մաղել, որպեսզի թթվածնով հարստանա:
- Ջուրը պետք է սառը լինի, բայց սառցաջուր պետք չէ օգտագործել: Սովորաբար, ջուրը վերցնում են ալյուրի հետ 1:2 հարաբերակցությամբ: Ջրի փոխարեն կարելի է վերցնել սառը կաթ. այդ դեպքում թխվածքներն ավելի համեղ կլինեն, սակայն խմորի առաձգականությունը կտուժի: Լավագույն տարբերակը կլինի ջրի ու կաթի խառնուրդը:
- Գրտնակելիս շերտավոր խմորը, սովորաբար, դնում են կարճ կողմը դեպի գրտնակողը, այդ դեպքում ստացվում է շերտավորում: Խմորը կարելի է թեթևակի գրտնակել թե՛ աջ ու թե՛ ձախ՝ ուղղանկյան ձև տալու համար: Միայն թե այդ ուղղություններով պետք է թեթևակի գրտնակել:
- Պատրաստի խմորը պետք է կտրել սուր դանակով՝ խմորի եզրերը չճմրթելու համար: Բացված շերտի հաստությունը պետք է լինի 4.5-8 մմ՝ կախված թխվածքի տեսակից:
- Խմորի երեսին ձու քսելիս պետք է շրջանցել կողքերը, քանի որ ձուն խանգարում է ու թույլ չի տալիս, որ խմորը բարձրանա:
- Թխելուց առաջ խմորի մակերևույթը պետք է պատառաքաղով կամ սուր դանակով ծակծկել, որպեսզի թխվելիս գոլորշին դուրս գա, խմորը փուչիկներ չտա և հարթ մակերևույթ ունենա: Ծակծկելուց հետո պետք է խմորը 15-20 րոպե թողնել, հետո դնել ջեռոցի մեջ:
- Առաջին 5-7 րոպեում չի կարելի ջեռոցը բացել:
- Թխվածքները տապակի մեջ դնելուց առաջ պետք է տապակը սառը ջրով ցողել:
- Շերտավոր խմորով թխվածքները պետք է թխել 220 աստիճանում, այլապես կարագը խմորից կհոսի, իսկ թխվածքները կլինեն չոր ու քիչ շերտերով:
- Գրտնակելիս սեղանի վրա պետք է ալյուր ցանել միայն նրա համար, որ խմորը սեղանից հեշտությամբ պոկվի: Եթե ալյուրը շատ լինի, թխվածքները լավ չեն բարձրանա:
- Կարագի մեջ եղած ալյուրը նպաստում է խմորի շերտերի ամրությանը:
- Շերտավոր խմորով պատրաստի թխվածքը ձևավորում են հովանալուց հետո:
1
2
3
4
5
1
2
3
4
5
5
