Արամայիս Գրիգորյանը 7 միավոր անշարժ գույք, 4 ավտոմեքենա և 1 միլիարդից ավելի դրամական միջոցներ ունի. «Փաստ»
Ուշադրության կենտրոնում
«Փաստ» օրաթերթը գրում է.
Փետրվարի 2–ին Արարատի մարզպետ նշանակված Արամայիս Գրիգորյանը օրերս Բարձրաստիճան պաշտոնատար անձանց էթիկայի հանձնաժողովին է ներկայացրել իր պաշտոնը ստանձնելու 2017 թ. հայտարարագիրը:
Հայտարարագրից իմանում ենք, որ ներկայի մարզպետ և նախկին Բնապահպանության նախարար Արամայիս Գրիգորյանն ունի յոթ միավոր անշարժ գույք՝ երկու բնակարան, մեկ առանձնատուն, մեկ բազմամյա տնկի, մեկ հողամաս, հասարակական և արտադրական նշանակության մեկական շինություն:
Սրա հետ միասին Գրիգորյանը հայտարարագրել է չորս ավտոմեքենա՝ «LEXUS LS 600 HL», «MITSUBISHI PAJERO IO 2.0», «VAZ 2121» և «ZIL MMZ–45021» մակնիշների:
Արամային Գրիգորյանի դրամական միջոցները բավական մեծ թիվ են կազմում: Պաշտոնը ստանձնելու օրվա դրությամբ Արարատի մարզպետն ունեցել է 961 միլիոն 278 հազար դրամ, 776 հազար ամերիկյան դոլար և 300 հազար ռուսական ռուբլի: Իսկ իր եկամուտներն էլ հունվարի 1–ից մինչև փետրվարի 2–ն ընկած ժամանակատվածում, այսինքն՝ մեկ ամսվա կտրվածքում կազմել են ավելի քան 76 միլիոն դրամ: Գրիգորյանը հայտարարագրել է մոտ 735 հազար դրամ աշխատավարձ, 29 միլիոն 819 հազար դրամ շահաբաժին և 46 միլիոն 133 հազար դրամն էլ նշվել է որպես այլ եկամուտ:
Շարունակությունը` «Փաստ» օրաթերթի այսօրվա համարում:
1
2
3
4
5
1
2
4
5
