Երբ պատրաստվում եք ծաղիկներ նվիրել

Հետաքրքիր փաստեր, որոնց մասին դուք երբևէ չեք լսել
Պետք է հիշել, որ ցածրահասակ հարսնացուին վայելում է կարճ ցողուններով ծաղկեփունջը, իսկ բարձրահասակ հարսնացուին՝ երկարացողուն ծաղիկներ՝ փարթամ թրաշուշաններ, փողաշուշաններ և մեխակներ:

Նորապսակներին ընդունված է նվիրել ալ կարմիր կամ սպիտակ վարդեր: Առաջներում դրանց ավելացնում էին նաև մրտենու ճյուղ՝ որպես հավատարմության խորհրդանիշ:
Ծաղիկներ նվիրելիս պետք է իմանալ, թե ում ի՞նչ նվիրել և ինչպե՞ս: Երիտասարդ աղջիկներին կարելի է նվիրել բազմերանգ և ոչ թանկարժեք ծաղիկներից կազմված ծաղկեփունջ, նախընտրելի է կոկոն կամ կիսաբացված վիճակում: Սիրելի կնոջը կամ աղջկան նվիրում են ալ կարմիր վարդեր, եթե նա որոշ ժամանակով մեկնում է, ապա՝ անմոռուկներ:

Տարեց կանանց վառ գույնի ծաղիկներ չեն նվիրում: Նախընտրելի են քրզանթեմները, վարդերը, մեխակները: Եթե հիվանդի եք այցելում, ապա հոտավետ, վառ գույնի ծաղիկները տեղին չեն: Դրանք ազդում են հիվանդի նյարդային համակարգի վրա:
Նախընտրելի է տղամարդուն նվիրել երկարացողուն վարդեր, մեխակներ, խոշարածաղիկ քրիզանթեմներ: Եթե դժվարանում ենք ծաղիկներ ընտրելիս, նվիրեք բաց վարդագույն ծաղիկներ, դրանք հարմար են բոլոր դեպքերի համար:

Ծաղիկները ընդունում են գոհունակության ժպիտով, թույլ տալով մյուսներին ևս հիանալ և ապա, ըստ ճաշակի դասավորում ծաղկամանում: Փողոցում ծաղիկները պահեք գլխիկները դեպի ներքև: Ծաղիկները մի պահեք ծոցագրպանում կամ պայուսակի մեջ: Դա կարող է վիրավորել նրան, ում ուզում էիք ուրախացնել:

Ծաղկեփնջի մեծությունը որոշվում է սպասվելիք իրադարձությանը համապատասխան: Հսկայական ծաղկեփունջը պատշաճ չէ աղջկա հետ հանդիպման գնացող երտասարդի ձեռքում, ինչպես նաև պատշաճ չէ հարսանեկան սեղանին դրվելիք փոքրիկ փունջը: