Ոստիկանությունում անհատական աշխատանք է տարվել երեկ Բաղրամյանից բերման ենթարկված անչափահասների հետ. Նելլի Դուրյան
Մամուլ
Tert.am-ը գրում է.
Բաղրամյան պողոտայում երեկ բերման ենթարկվածներից 7-ը անչափահասներ էին. նրանցից յուրաքանչյուրի հետ տարվել է անհատական զրույցներ: Այս մասին Tert.am-ի հետ զրույցում ասաց ՀՀ ոստիկանության քրեական հետախուզության երրորդ վարչության պետ, ոստիկանության գնդապետ Նելլի Դուրյանը:
«Այս օրերի ընթացքում Բաղրամյան պողոտայում միշտ եղել են անչափահասներ, որոնք որոշ ժամանակ են անցկացրել այնտեղ: Դրա պատճառներից մեկն արձակուրդն է: Մենք ուսումնասիրեցինք ու տեսանք, որ որևէ ծնող տեղյակ չի եղել, որ իր երեխան Բաղրամյանում է: Թե՛ առաջին օրը, թե երեկ բերման ենթարկված անչափահասների հետ մենք անհատական աշխատանքներ ենք տարել»,- ասաց նա:
Հիշեցնենք, որ հունիսի 23-ից Բաղրամյան պողոտայում նստացույց էր իրականացվում ընդդեմ էլեկտրաէներգիայի թանկացման: Պողոտայի երթևեկությունը վերականգնվեց միայն երեկ, ինչի հետևանքով բերման ենթարկվեցին մի շարք քաղաքացիներ, այդ թվում նաև անչափահասներ:
Նելլի Դուրյանը հավաստիացրեց, որ անչափահասները չեն հաշվառվել, նրանց հետ ընդամենը կանխարգելիչ աշխատանքներ են տարվել:
«Փորձել ենք վեր հանել անչափահասների այնտեղ գտնվելու պատճառները, արդյոք որևէ չափահաս անձ չի տարել նրան այնտեղ: Զրուցել ենք նաև ծնողների հետ, որովհետև ծնողը պետք է իմանա, թե որտեղ է գտնվում իր երեխան»,- ասաց նա:
Հարցին, թե Բաղրամյան պողոտայում ծառայություն իրականացնող ոստիկաններն արդյոք տիրապետում էին անչափահասների հետ վարվելու մեթոդներին, Նելլի Դուրյանը պատասխանեց, որ ոստիկանության աշխատակիցները պարբերաբար վերապատրաստման դասընթացներ են անցնում:
1
2
3
4
5
1
2
3
5
1
2
3
4
5
