Երգիչ Արամեի նոր տեսահոլովակը և Մոսկվայում կայանալիք մենահամերգը

Օրեր առաջ կայացավ Արամեի և Աննայի «Իմն ես» տեսահոլովակի պրեմիերան: Երգիչն այժմ Մոսկվայում պատրաստվում է կայանալիք մենահամերգին, այս ընթացքում նա նաև նոր տեսահոլովակ է նկարահանել:

Երգի խոսքերը գրել է Աննա Հովները, երաժշտությունը՝ Արամեն, իսկ տեսահոլովակը նկարահանել է Պավել Գլազկովը: Տեսահոլովակի ստեղծման համար երգիչը համագործակել է «Euromusic Entertaiment»-ի հետ՝ ի դեմս գլխավոր պրոդյուսեր Տարոն Պողոսյանի:

«Երգը կոչվում է «Я кричу»։ Այն ավելի մեղեդային է, բայց կարծում եմ՝ հաջորդ աշխատանքս կլինի ավելի ռիթմիկ ոճում: Այս երգը, կարծում եմ, կսիրվի նաև հայ հանդիսատեսի կողմից»,- BlogNews.am-ի հետ զրույցում նշեց երգիչը և ավելացրեց, որ այս փուլում ստեղծագործական բուռն շրջան է, և փորձում է իրականացնել իր մտքերը:

Մայրության և գեղեցկության տոնի հետ կապված՝ Arame Production-ը և Euromusic Entertainment-ը որոշեցին անակնալ մատուցել Մոսկվայի հայ հանդիսատեսին. «Այս տարի Արամեի համար հոբելյանական է, քանի որ նշում է իր 10 տարին բեմում: Համերգը լինելու է կենդանի հնչողությամբ, սպասվում են բազմաթիվ գեղեցիկ անակնկալներ հանդիսատեսին, որից ամենակարևորը գեղեցիկ հյուրերն են և գեղեցիկ դուետները, որոնցից մի մասն առաջին անգամ կհնչեն Կրեմլի բեմում: Արամեի հատուկ հյուրերն են Անժելիկա Ագուրբաշը, Դիանա Գուրցկայան, Մարգարիտա Պոզոյանը, Աննա Թովմասյանը, Քրիստինե Պեպելյանը, Մոնիկա Նազարյանը, Սիլվա Հակոբյանը և Սոնան»,- նշեց Euromusic Entertainment-ի PR տնօրեն Լուսինե Խաչատրյանը:

Նյութը՝ Սիրանուշ Գրիգորյանի

Լուսանկարները տրամադրել է Euromusic Entertainment-ի PR տնօրեն Լուսինե Խաչատրյանը