Տիբեթյան վանականների երիտասարդության գաղտնիքը. 5 պարզ վարժություն

Մարմնի ճկունությունը զարգացնող վարժությունները շատ ավելի լավ են ամրացնում մարմնի մկանները, քան մարզասրահում ծանրության հետ աշխատանքը։ Ստորև ներկայացվող պարզ վարժությունները ստեղծվել են Տիբեթում և հրաշալի արդյունք են տալիս։ Այս վարժությունների վրա դու ստիպված կլինես ծախսել ընդամենը 10 րոպե, իսկ մկանների ձգվածության արդյունքը տեսանելի կլինի վարժությունները կանոնավոր անելու արդեն երկրորդ շաբաթից։ 

Այս վարժությունները ևս մեկ առավելություն ունեն. դրանք շատ հեշտ են, և դրանք կարող են անել նույնիսկ տատիկները։ Ոչ մի վնասվածք կամ մկանային ցավ չես զգա այս վարժություններից։ Միգուցե հենց սա է տիբեթյան վանականների երիտասարդության գաղտնիքը։ 
Արդյունավետության համար վարժություններն անհրաժեշտ է անել ամեն օր առավոտյան։ Սկսիր յուրաքանչյուր վարժություն 7 անգամով և աստիճանաբար ավելացրու դրանց քանակը՝ հասցնելով մինչև 20-ի։

 1  Պառկիր դեմքով դեպի հատակը։ Դանդաղ, աստիճանաբար բարձրացիր վերև՝ ձգելով վզի և մեջքի մկանները։ Ձեռքերդ ուղիղ պահելով՝ հենվիր դրանց վրա։ Մի քանի վայրկյան լարված դիրքը պահելուց հետո սահուն իջիր։

 2  Նստիր՝ ոտքերդ առաջ ձգելով։ Ձեռքերով ու ոտքերով գետնին հենվելով՝ իրանդ բարձրացրու՝ փորձելով այն հնարավորինս ուղիղ պահել։ Գլուխը պետք է ուսերի հետ նույն մակարդակում լինի՝ թեթևակի բարձրացրած։ Մկանները թուլացնելու հետ մեկտեղ խորը շունչ քաշիր և արտաշնչիր։

 3  Ծնկի իջիր՝ ոտքերի մատները գետնին սեղմելով։ Ձեռքերդ դիր ազդրերի մկանների վրա։ Գլուխդ վեր ձգիր՝ դեպի հետ թեքվելով։ Որքան շատ կարողանաս թեքվել, այնքան ավելի լավ։ Դանդաղ ու զգուշությամբ հետ վերադարձիր ելման դիրքին՝ հետևելով հավասարաչափ ու խորը շնչին։

 4  Պառկիր գետնին, ձեռքերը ձգիր իրանի երկայնքով։ Շնչելով վեր բարձրացրու գլուխդ՝ կզակը դեպի կուրծքը ձգելով։ Բարձրացրու ոտքերը և հետևիր, որ դրանք հավասար և ուղիղ լինեն, և որ ծնկները միևնույն մակարդակի վրա լինեն։ Դանդաղ արտաշնչիր՝ գլուխդ ու ոտքերդ գետնին իջեցնելով և փորձիր հնարավորինս խորը շունչ քաշել։

 5  Ձեռքերդ բացիր ու պարզիր դեպի կողք՝ ափերը գետնի ուղղությամբ պարզած։  Հետևիր, որ ձեռքերն ուսերի հետ միևնույն մակարդակում լինեն։ Այս դիրքով շրջանաձև շարժումներ արա ժամացույցի սլաքի ուղղությամբ։ Հնարավոր է՝ թեթև գլխապտույտ առաջանա, բայց այն արագ կանցնի։

Այս վարժություններն անելու համար հատուկ ֆիզիկական պատրաստվածության կարիք չկա. դու հեշտությամբ կարող ես մարզվել տիբեթյան այս մեթոդով, նույնիսկ եթե առողջական խնդիրներ ունես։  Երիտասարդություն նշանականում է ճկունություն և շարժողունակություն. պահպանիր բնական ճկունությունդ ու կատարելագործիր այն՝ այս պարզ միջոցն օգտագործելով։  Արյան շրջանառության լավացումն էլ կօգնի քեզ միշտ առույգ զգալ՝ անկախ տարիքից։ Չմոռանաս կիսվել նաև ընկերներիդ հետ։

Աղբյուրը՝ BlogNews.am