Սերժ Սարգսյանի ելույթի ուղերձները

Հինգշաբթի օրը կայացած ՀՀԿ հերթական խորհրդի նիստը բավական սպասված էր, քանի որ ենթադրվում էր, որ հենց այս նիստի ժամանակ հայտնի կդառնա, թե ով կգլխավորի կուսակցության նախընտրական շտաբը։ Սակայն այս հարցը նիստին ավարտին մնաց անպատասխան, փոխարենը հայտնի դարձան մի շարք իրողություններ, որոնք անակնկալ դժվար է համարել։ Նախևառաջ ընտրվեցին կուսակցության փոխնախագահները, որոնց թվում ինչպես և մինչ այս էլ բազմիցս ակնարկել էին հանրապետականները, առաջին փոխնախագահ ընտրվեց Կարեն Կարապետյանը։ Բնականաբար անակնկալ  չէր նաև 42-ամյան Կարեն Ավագյանի ընտրությունը որպես  կուսակցության երիտասարդական թևի համակարգող։

Նիստի առավել ուշագրավ հատվածը Սերժ Սարգսյանի ելույթն էր, որը կարելի է համարել ներկայումս հայաստանյան քաղաքական դաշտում առկա երևույթների և իրողությունների պաշտոնկան գնահատականի փորձ։

Ըստ էության Սերժ Սարգսյանն իր ելույթում անդարդարձավ ներկայումս ամենաքննարկվող մի շարք հարցերի և խնդիրների։ Մասնավորապես ելույթւոմ ուղղակիորեն նշեց, որ ինքն անձամբ և բնականաբար Հանրապետական կուսակցությունը դեմ չեն, եթե լինի ընտրությունների օրը փձոխելու նախաձեռնություն։

Սրանից զատ Սարգսյանը ուղղակի և անուղղակի կերպով անդադարձավ մի շարք իրողությունների։ Գագիկ Ծառուկյանի քաղաքականություն վերադարձի կապակցությամբ նախագահը նշեց, որ չի ողջունել այդ քայլը։ Սակայն այս հակիրճ հայտարարությունից հետո, Սերժ Սարգսյանը բավական մեծ պարբերությայմբ անդարդարձավ քաղաքական դաշտում դաշինքների ձևավորման գործընթցներին և միտումներին՝ միանշանակ դրական գնահատելով դաշիքներն ու կուսակցությունների խոշորացումը, որը հստակեցնում է ընդհանուր քաղաքական դաշտը։ Այս ֆոնին ակնհայտորենթեկուզ և անուղղակի կերպով ակնարկվում էր, որ այնուամենայնիվ Ծառուկյանի վերադարձով պայմանավորված դաշիքնի ձևավորումը ինքին դրական է։

Իր ելույթում Սերժ Սարգսյանը անդրադարձավ նաև Հովիկ Աբրահամյանին և Սեյրան Օհանյանին, չնայած նրանց անունները չհնչեցրեց։ Մասնավորապես ակնհայտորեն խոսքը Հովիկ Աբրահամյանին ուղղելով, Սարգսյանը նշեց, թե բոլոր նրանք, ովքեր կարծում են, որ իրենք լճանում են և չեն կարողանում օգտագործել իրենց գործնական հնարավորությունները, կարող են այդ ասպարեզ գտնել։ Հետաքրքիր էր նաև Սերժ Սարգսյանի այն հայտարարությունը, թե եթե ամեն մեկն անձամբ որոշի, թե ինքը որտեղ է ուզում աշխատի, խառնաշփոթ կառաջանա։ Սա ըստ էության նշանակում էր, Սերժ Սարգսյանի լիովին տիրապետում է իրավիճակին և շարունակում է մնալ որոշողի դիրքում և որ ամենակարևորն է Հանրապետականի համար, Սերժ Սարգսյանն իր այս հայտարարությամբ առնվազն փորձեց ժխտել այն խոսակցությունները, թե ՀՀԿ-ում առնետավազք է սկսվել։

 Առավել հետաքրքիր էր Սերժ Սարգսյանի անդրադարձը Սեյրան Օհանյանին, որը չափազանց նուրբ էր և նույնիսկ արտաքուստ չերևացող։ Սակայն այդ անդրադարձը իսկ միգուց է նաև ուղերձը լիովին հստակ էր։ Մսնավորապես անդարդառնալով ընտրությունների օրվա հնարավոր փոփոխությանը, Սերժ Սարգսյանը նշեց, որ ինքն էլ կցանկանար այդ օրերը նվիրել զոհվածների հիշտակաի ոգեկոչմանը և մասնավորապես բանակշինությանը։ Ընդ որում պետք է նշել, որ ըստ Սարգսյանի խոսքերի, ինքը շատ կուզենար, որպեսզի այդ օրերին երևային այն հսկայական բանակաշինական գործողությունները, որոնք արվել են վերջին մեկ տարում։

Հենց այս արտահայտության մեջ ըստ էության հստակ զգացվում է որոշակի ուղերձ հենց Սեյրան Օհանյանին, քանի որ նախ շեշտեվում է վերջին մեկ տարում արված հսկայական գործերի մասին, ինչը պարզապես ակնարկ է այն մասին, որ մինչ ապրիլյան ռազմական գործողությունները, բանակում առկա են եղել էական բացթողումներ, որոնք էլ բերել են Սերժ Սարգսյանի խոսքերով ասած հսկայական քայլերի անհրաժեշտությանը։ Բնականաբար այս իրավիճակի առաջնային պատասխանատուն եղել և մնում է Սեյրան Օհանյանը, որի մասին էլ նրան հիշեցնում է նախագահը։

Աղասի Մարգարյան

PressMedia.am վերլուծաբան