Ֆրանսիան՝ Հայաստանում ամենախոշոր ներդրողը ԵՄ-ից

Ինչպես գիտենք, հուլիսի 3-5-ը աշխատանքային այցով Ֆրանսիայում էր գտնվում Հովիկ Աբրահամյանը, որի շրջանակներում հանդիպումներ է ունեցել տարբեր բարձրաստիճան պաշտոնյաների հետ: Փարիզի քաղաքապետ Անն Իդալգոյի հետ հանդիպման ժամանակ Հովիկ Աբրահամյանը նշել է, որ Հայաստանի և Ֆրանսիայի միջև առկա է ապակենտրոնացված մակարդակով բավականին լայն համագործակցություն. մայրաքաղաք Երևանը և Հայաստանի շուրջ երեք տասնյակ համայնքներ արդյունավետ փոխգործակցում են Ֆրանսիայի քույր քաղաքների հետ:

Ֆրանսիայի Ազգային ժողովի նախագահ Կլոդ Բարտոլոնի հետ հանդիպման ժամանակ, Հովիկ Աբրահամյանը անդրադարձել է հայ-ֆրանսիական միջխորհրդարանական շփումներին: Վարչապետը կարևորել է ֆրանսիական խորհրդարանական պատվիրակությունների Հայաստան և Լեռնային Ղարաբաղ այցերը՝ գոհունակություն հայտնելով ֆրանսիայի պատգամավորների «Արցախի հետ բարեկամության խմբի» ստեղծման կապակցությամբ: 
Ֆրանսիայի վարչապետ Մանյուել Վալսի հետ հանդիպման ընթացքում: Հովիկ Աբրահամյանը փաստել է, որ հայ-ֆրանսիական տնտեսական համագործակցությունը զարգացման լայն հնարավորություններ ունի: 
«ԵՄ երկրների շարքում Ֆրանսիան շարունակում է մնալ Հայաստանում ներդրումների ծավալով առաջատար դիրք զբաղեցնող երկրներից մեկը: 
Ֆրանսիայի վարչապետ Մանյուել Վալսը նույնպես կարևորել է տնտեսական հարաբերությունների զարգացման անհրաժեշտությունը և նշել, որ դրանք դեռևս չեն հասել քաղաքական հարաբերությունների մակարդակին: Նա անհրաժեշտ է համարել համագործակցության հետագա զարգացումը գիտության, կրթության, գյուղատնտեսության, զբոսաշրջության, միգրացիայի և մի շարք այլ ոլորտներում:

Հիմա արդեն հարկ է քննարկել, թե որտեղ է հնարավոր իրացնել երկու երկրների հարաբերությունների չօգտագործված ներուժը: 
1. Կարելի է ակնկալել երկու երկրների ապրանքաշրջանառության ծավալների ավելացում: 
2014-ին այն կազմել է շուրջ 85 մլն դոլար, որից 5 մլն դոլարը Հայաստանից արտահանումն է դեպի Ֆրանսիա, 80 մլն դոլարը` ներմուծումը Հայաստան: Թե հատկապես հայկական որ ապրանքները հեռանկար կունենան եվրոպական շուկայում դժվար է ասել, բայց դրա հնարավորությհունն առկա է` ի դեմս հայկական մի քանի հազար ապրանքատեսակների համար ԵՄ ներմուծելու արտոնյալ ռեժիմի:

2. Ֆրանսիական ընկերությունների նոր ներդրումներ կարելի է ակնկալել մեր երկրում` նկատի ունենալով այժմ Հայաստանում գործունեության ծավալողների հաջողված օրինակները: Օրինակի համար Երևանի կոնյակի գործարանի սեփականատեր «Պեռնո Ռիկար», հեռահաղորդակցության ոլորտում` «Օրանժ», ջրամատակարարման ոլորտում «Վելոիա» եւ «Սոր» ընկերություններ եւ այլն: