Մարզային այցելուցությունները տեսանելի արդյունքներ են տալիս

Միքայել Գրիգորյանը ֆեյսբուքյան իր էջում գրում է . 

Վարչապետն այսօր աշխատանքային այց է կատարել Լոռու մարզ: Այցի ընթացքում գործադիրի ղեկավարը մի շարք հանդիպումներ է ունեցել, այդ թվում` գործարարների հետ: Վարչապետին են զեկուցել Վանաձոր-Ալավերդի-Վրաստան միջպետական ավտոճանապարհի վերակառուցման ընթացքը: Արդեն իսկ հայտարարվել է նաև ավտոճանապարհի երկրորդ հատվածի շինաշխատանքների իրականացման մրցույթը: 
Այդ ավտոճանապարհի հետ նաև վերանորգվելու են կամուրջներ և թունելներ: Այս հատվածի վերակառուցման համար ներդրվել են ահռելի միջոցներ, որոնք էլ ապահովում են և դեռ կապահովեն աշխատատեղեր:
 Գործադիրի ղեկավարը նաև հանդիպում է ունեցել Վանաձորի քիմիական գործարանի աշխատակիցների հետ, ովքեր քաղաքի տեխնոլոգիական կենտրոնի շենքի մոտ էին հավաքվել և ցանկանում էին հանդիպել վարչապետին: Գործարանի աշխատակիցները շնորհակալություն են հայտնել չվճարված աշխատավարձերի խնդիրը լուծելու համար: Վճարվել է մոտ 166 մլն. դրամ, որը կարծում եմ` բավականին խոշոր գումար է, և աշխատակիցները կկարողանան ստացված գումարներով լուծել իրենց ունեցած խնդիրները: Բայց խնդիրը նրանում է, որ հետագայում նման հարցեր չառաջանան: Գործարանը այժմ գտնվում է սնանկացման գործընթացում, ինչը սակայն չի խոչընդոտի ներդորղներ ներգարվելուն,իհարկե, եթե ներդրումը լինի տրամաբանական, իսկ ծրագրերը` խելամիտ: 
Վարչապետը հանդիպել է նաև Լոռու մարզի համայնքների ղեկավարների ու գործարարների հետ, քննարկել առկա խնդիրներն ու զարգացման հնարավորությունները: Մարզային այցելուցությունների հիմնական նպատակն է քննարկել մարզերի խնդիրներն ու ուրվագծել հետագա քայլերը: 
Յուրաքանչյուր ոլորտի պատասխանատու պետք է ներկայացնի հաշվետվություն, որտեղ նշված կլինի թե որքան ներդրում է սպասվում, և ինչ քանակի աշխատատեղեր են ստեղծվելու: Նախորդ մարզային այցելությունների ժամանակ առաջարկված ծրագրերի 70-75 տոկոսը ստացել է դրական պատասխան և կոնկրետ ֆինանսավորում:

Մարզերի համաչափ զարգացման խնդիրը կարևորագույն խնդիրներից է, և այդ զարգացմանը հասնելու համար անհրաժեշտ են թարմ գաղափարներ և ճիշտ մշակված ռազմավարություն: