Ինչպե՞ս պետք է դիմահարդարվել 2017-ին. խորհուրդներ դիմահարդար-ոճաբան Արփինե Խաչատրյանից

Asekose.am-ը գրում է . 

Նորաձևությունը շատ քմահաճ ու փոփոխական է, և դա վերաբերում է ոչ միայն հագուստին, այլ նաև դիմահարդարմանը: 2017 թվականի դիմահարդարման թրենդների և ակտուալ գույների մասին Asekose.am-ը զրուցել է «Ագա» իմիջ ստուդիոյի դիմահարդար-ոճաբան Արփինե Խաչատրյանի հետ, ով մեզ հետ զրույցում պատմեց, թե ինչ դիմահարդարմամբ պետք է լինեն խնամված աղջիկները 2017թվականին և հատկապես Ամանորին:

«Ինչպես հագուստի թրենդները այնպես էլ դիմահարդարմանը բավականին արագ են փոխվում և երբեմն նույնիսկ բավականին դժվար է դառնում  նորաձրության հետ հավասար քայլելը: Այնուամենայնինվ դիմահարդարումը կանանց ոճի մի մասն է կազմում և այն սխալ անելու դեպքում  կարող է ամբողջովին փչանալ կնոջ տեսքը:  Օրինակ՝ այս տարի բավականին նորաձև էր մատիտով ընդգծված հոնքերը, բայց  2017-ին կարող եք վայր դնել հոնքերի համար նախատեսված մատիտը և ի ցույց դնել ձեր բնական հոնքերը: Ի տարբերություն հոնքերի նորաձև են արհեստական և երկար թարթիչները»:

Արփինեն նշեց, որ ի տարբերություն 2016 թվականի եկող տարում դիմահարդարման ոլորտում նորաձև են լինելու փայլերը.

«Այս տարի առանց փայլ (matte) շրթներկը համարվում էր նորաձևության ամենակարևոր էլեմենտներից մեկը: Բոլոր կանայք և աղջիկնեը արդեն հասցրել են իրենց փորձարկումները կատարել այս շրթներկի հետ, սակայն մյուս տարի փայլով շրթներկը կրկին վերադառնում է նորաձևության աշխարհ: Հատկապես ակտուալ է կարմիրի տարբեր երանգները: Նույն փոփոխությունը տեղի է ունեցել նաև ստվերաներկեր հետ, եթե նախկինում   «նուդ» ոճի մեջ արված աչքերի դիմահարդարումն էր թրենդային, ապա 2017-ին մենք տեսնելու ենք վառ երանգների ստվերաներկերով և փայլերով արված աչքերի դիմահարդարում»:

Այն հարցին, իսկ թե ինչպես պետք է դիմահարդարվել Ամանորին, դիմահարդար-ոճաբանը մեզ հետ զրույցում նշեց, որ Նոր տարվա գիշերը փայլերի չարաշահումը ներելի է:

«Այդ օրվա համար պետք է համարձակորեն ընտրել բաց տոնային կրեմով և ակտիվ ստվերաներկով դիմահարդարում: Եվ առհասարակ այն բոլոր կանայք ովքեր  ցանկանում են մի քայլ առաջ լինել իրենց  շրջապատից, ապա պետք է շարունակեն  ընթերցել և իմանալ  2017-ի նորաձև դիմահարդարման կանոնները և ուղղորդվել գալիք տարում հենց այդ կանոններով»:

 Հեղինակ՝ Անահիտ Հարությունյան