Հենրիխ Մխիթարյանը չի մասնակցել Ուեյն Ռունիի կազմակերպած երեկույթին
Սպորտ
«Մանչեսթեր Յունայթեդի» ավագ Ուեյն Ռունին, օգտվելով «Վեստ Բրոմվիչի» նկատմամբ հաղթանակից հետո Ժոզե Մոուրինիոյի ընձեռած երկօրյա հանգստի հնարավորությունից, ակումբակիցների համար Ծննդյան տոների երեկույթ է կազմակերպել: Նա մի քանի թիմակիցների հետ միասին զվարճանալու համար գնացել է Լոնդոն պարկի «Ձմեռային հրաշքների երկիր»:
Նրանց նկատել են նաեւ պարկի «Բավարական գյուղում»: Ականատեսներից մեկը «The Daily Mail»-ին պատմել է, թե նրանք զվարճանում եւ խմում էին V.I.P. գոտիներից մեկում, իսկ երբ ցանկանում էին տեղափոխվել մեկ այլ գոտի, նրանց ուղեկցում էր անվտանգությունը: Ռունիի հետ եղել են Մայքլ Կարրիկը, Մարկուս Ռեշֆորդը, Ֆիլ Ջոնսը, Քրիս Սմոլինգը, Ջեսսի Լինգարդը, Սեմ Ջոնսթոունը: Ականատեսները նրանց մեջ Հենրիխ Մխիթարյանին չեն տեսել: Հայտնի է նաեւ, որ Զլատան Իբրաիմովիչը եւ Դեյլի Բլինդը մեկնել են հայրենիք, իսկ Մարուան Ֆելաինին եղբոր հետ կարճաժամկետ արձակուրդն անցկացրել է Միլանում: Երեկ երեկոյան թիմը վերադարձել է մարզումների:
1
2
3
4
5
1
2
3
4
5
2
