Ինչ պետք է լինի աքաղաղի տարում տոնական սեղանին և ինչպես զարդարել այն (լուսանկարներ)

Ինչպես հայտնի է՝ 2017-ը Հրեղեն աքաղաքի տարի է։ Շատերը գտնում են, որ տոնական սեղանը պետք է զարդարել՝ նկատի ունենալով տարվա խորհրդանիշը։  Այս տարվա խորհրդանիշի գլխավոր գիծը մանրախնդրությունն է. Հրեղեն աքաղաքը պաշտում է դասականը, հասարակն ու էլեգանտը։

Ինչ պետք է բացառել տոնական սեղանից.

2017-ի Ամանորին պետք է հրաժարվել թռչնամսից։ Եվս մեկ արգելված մթերքը ձուն է, սակայն պետք չէ վախենալ. պարզապես խուսափեք ամանորյա սեղանը ձեւավորել եփած ձվերով, իսկ ահա աղցաններում դրանք կարող եք կիրառել։

Ինչն է պարտադիր.

2017-ի տոնական սեղանին պետք է լինի բանջարեղեն. ինչպես պարզապես հում վիճակով կտրատված, այնպես էլ աղցանների տեսքով, մրգեր։ Հաշվի առեք, որ 2017 թվականը Հրեղեն աքաղաղի տարի է, այնպես որ ցանկալի է սեղանին ունենալ կարմիր և նարնջագույն միրգ և բանջարեղեն։ Որքան շատ, այդքան լավ։ Հրեղեն աքաղաղը ծանր խոհանոց չի սիրում, ուստի աշխատեք չչարաշահել տապակած, աղի ուտեստների հարցում։

Եթե ցանկանում եք այս տարի չպահպանել ավանդույթներն ու պատրաստել որեւէ օրիգինալ ուտեստ, ապա հոյակապ այլընտրանք կարող է լինել ծովամթերքը. օրինակ՝ սուշի, ձուկ, ծովախեցգետին եւ այլն, որոնք կարող եք համադրել բանջարեղենային ուտեստներով։

Խմիչքներ.

Ալկոհոլային խմիչքներից Հրեղեն աքաղաքը նախընտրում է գինին, շամպայնն ու կոկտեյլները։ Շատ թունդ ալկոհոլը նրա «սրտով չէ»։

Ինչպես զարդարել տոնական սեղանը.

Սփռոցը ցանկալի է լինի ոչ վառ երանգի եւ միատոն։ Օպտիմալ տարբերակը սպիտակն է, սակայն կարելի է օգտագործել նաեւ ոսկեգույնը կամ վարդագույնը։

Սպասք. բնականություն՝ ահա 2017-ի կարգախոսը։ Ոչ մի պլաստմաս, միայն ապակի, փայտ կամ կավ։ Սպասքն ընտրեք սփռոցի երանգի։ Եթե նախընտրում եք թղթե անձեռոցիկներ, ապա դրանք պետք է ափսեի մեջ դնել, իսկ ահա կտորից անձեռոցիկները՝ սպասքի տակ։

Զարդարանք. սեղանի կենտրոնում կարող եք դնել աճած հացահատիկներով ափսե. այն տարվա խորհրդանիշին դուր կգա։ Սեղանը զարդարեք նաեւ մեծ քանակությամբ մոմերով, ինչը տոնական սեղանին էլեգանտություն կհաղորդի։