Իրավական խորհրդատու
Ուշադրության կենտրոնում
Հարց – Ո՞ր դեպքերում լիազորագիրը կարող է վավերացվել ոչ թե նոտարի, այլ անձի կամ կազմակերպության կողմից:
Պատասխան – Նոտարի վավերացրած լիազորագրերին հավասարեցվում են.
• հոսպիտալներում, առողջարաններում և զինվորական այլ բուժական հաստատություններում բուժման մեջ գտնվող զինծառայողների ու մյուս անձանց լիազորագրերը` վավերացված այդ հաստատության պետի, բուժական մասի գծով նրա տեղակալի, ավագ կամ հերթապահ բժշկի կողմից,
• զինծառայողների լիազորագրերը, իսկ զորամասերի, զորամիավորումների, զինվորական հաստատությունների և ռազմաուսումնական հաստատությունների տեղաբաշխման այն վայրերում, որտեղ չկան նոտարական գրասենյակներ ու նոտարական գործողություններ կատարող այլ մարմիններ, ինչպես նաև բանվորների և ծառայողների, նրանց ընտանիքների անդամների ու զինծառայողների ընտանիքների անդամների լիազորագրերը` վավերացված այդ զորամասերի, զորամիավորումների, զինվորական հիմնարկների կամ հաստատությունների հրամանատարի (պետի) կողմից,
• ազատազրկման վայրերում գտնվող անձանց լիազորագրերը` վավերացված ազատազրկման համապատասխան հաստատության պետի կողմից,
• բնակչության սոցիալական պաշտպանության հաստատություններում (օրինակ՝ ծերանոցներում) գտնվող չափահաս գործունակ քաղաքացիների լիազորագրերը` վավերացված այդ հաստատության տնօրինության կամ բնակչության սոցիալական պաշտպանության համապատասխան մարմնի ղեկավարի (նրա տեղակալի) կողմից:
1
2
3
4
5
1
2
3
4
5
5
