Համբուրգում Ղարաբաղի շուրջ հայտարարությունը դեղին քարտի էր նման. Խոսրով Հարությունյան
Header
Համբուրգում ղարաբաղյան հակամարտության շուրջ Ռուսաստանի, ԱՄՆ–ի եւ Ֆրանսիայի ԱԳ նախարարների հնչեցրած հայտարարությունը դեղին քարտի էին նման։ Այս մասին դեկտեմբերի 12-ին՝ մամուլի ասուլիսի ժամանակ, ասել է ԱԺ ՀՀԼ խմբակցության պատգամավոր Խոսրով Հարությունյանը։
Նրա խոսքով՝ այդ հայտարարությունն աննախադեպ դրույթներ էր պարունակում. «ԵԱՀԿ ՄԽ համանախագահող երկրների ԱԳ նախարարները ոչ միայն դատապարտեցին, այլ նաեւ ֆիքսեցին, որ ապրիլին հանցագործություններ են կատարվել։ Նրանք ասացին, որ տեղյակ են տեղի ունեցածի մասին։ Կոնկրետ պնդումներ եղան, որ անհրաժեշտ է շարժվել բանակցային գործընթացի շրջանակում, իսկ դրա հիմքում Վիեննայում եւ Սանկտ Պետերբուրգում ձեռք բերված համաձայնագրերի անշեղ կատարումն է»,– ասել է Հարությունյանը։
Պատգամավորը նշեց, որ Համբուրգում արված հայտարարության տոնը էապես տարբերվում էր ԵԱՀԿ Մինսկի խմբի բոլոր նախորդ հայտարարություններից։
Հիշեցնենք, որ ԵԱՀԿ Մինսկի խմբի համանախագահ երկրների պատվիրակությունների ղեկավարները՝ ՌԴ ԱԳ նախարար Սերգեյ Լավրովը, ԱՄՆ պետքարտուղար Ջոն Քերրին եւ Ֆրանսիայի ԱԳ նախարար Ժան-Մարկ Էրոն դեկտեմբերի 8-ին հայտարարություն են ընդունել: Նրանք Երեւանին եւ Բաքվին կոչ են արել հարգել Վիեննայի եւ Սանկտ Պետերբուրգի համատեղ հայտարարություններում արտացոլված համաձայնությունները:
«Մենք ողջունում ենք կողմերի առաջընթացը Կամիր խաչի միջազգային կոմիտեի հովանու ներքո անհետ կորածների մասին տվյալների փոխանակության իրականացման գործում։ Մենք կողմերին կոչ ենք անում վերացնել բոլոր մնացած խոչընդոտները ԵԱՀԿ գործող նախագահի անձնական ներկայացուցչի առաքելության ընդլայնման ճանապարհին ու հասնել առաջընթացի միջադեպերի հետաքննման ԵԱՀԿ մեխանիզմի ստեղծման մասին առաջարկության հարցում։ Առաջարկները պետք է իրականացվեն կարգավորմանն ուղղված բանակցությունների անհապաղ վերականգնման հետ միասին»,- մասնավորապես ասված է հայտարարությունում:
1
2
3
4
5
1
2
5
