Կուրց․ Ավստրիան պատրաստ է իր տարածքում Լեռնային Ղարաբաղի հարցով հանդիպում կազմակերպել

Ավստրիան պատրաստ է օգնել ղարաբաղյան հակամարտության խաղաղ լուծման որոնումներին։ Այս մասին Day.Az –ին ասել է Ավստրիայի արտգործնախարար Սեբաստիան Կուրցը։ 2017-ին ԵԱՀԿ նախագահությունը Գերմանիայից Ավստրիային է փոխանցվելու։

«Սա վճռորոշ ժամանակաշրջան է, ու մենք ԵԱՀԿ-ի ու ԵՄ-ի մեր գործընկերների հետ միասին հստակ հասկանում ենք, որ այս հակամարտությունը կարող է միայն խաղաղ կարգավորում ունենալ։ Դրա համար էլ մենք կոչ ենք անում բոլոր կողմերն կենտրոնացնել ջանքերը երկխոսության եւ դիվանագիտության ուղղությամբ։ Բանակցությունների սեղանին կան գաղափարներ ու առաջարկներ վստահության ամրապնդման ու համագործակցություն հարթելու համար։ Խաղաղ համաձայնագրի ապահովման համար հետագա բանակցությունների հիմնական տարրերը համաձայնեցված են նախագահների կողմից ՝ դրանք այսպես կոչված «Մադրիդյան սկզբունքներն» են, որոնք փոքր շտկումներով արդեն գրեթե 10 տարի է սեղանի վրա են։ Այնպես որ քննարկման համար հիմք կա։

Որպես չեզոք երկիր ու կազմակերպությունում նախագահող երկիր, որն ապահովում է հակամարտության կարգավորման շուրջ բանակցությունների հիմքը, մենք լիարժեք գիտակցում ենք մեր բարձր պատասխանատվությունն այս հարցում։ Չնայած Ավստրիան Մինսկի խմբի անդամ չէ, մենք պատրաստ ենք օգնել ու միջնորդական քայլեր ձեռնարկել ԵԱՀԿ-ում մեր նախագահության ժամանակ, նաեւ աջակցել Մինսկյան գործընթացի մյուս տարրերը։ Ադրբեջանցիներն ու հայերը կարող են վստահ լինել, որ Ավստրիան պատրաստ է օգնել այս հակամարտության խաղաղ լուծման որոնումներին, առաջարկելով իր չեզոք տարածքը բանակցությունների, փորձագիտական երկխոսության, երիտասարդության հանդիպումների կամ գործունեության որեւէ այլ տեսակի համար, որը կօգնի կենտրոնանալ խաղաղության վրա ու բացառել պատերազմի հեռանկարները»,- հայտնել է Կուրցը։