Հայաստանի հավաքականի ֆուտբոլիստը՝ Քյաբաբ մականունի մասին
Սպորտ
«Փյունիկի» եւ Հայաստանի հավաքականի պաշտպան Արթուր Քարտաշյանն ակումբի կայքի հետ հարցազրույցում պատմել է, թե ինչպես է ստացել Քյաբաբ մականունը:
«Մականունս առաջացել է, երբ դեռ շատ փոքր էի: Մեր հարեւանն ինձ շատ էր սիրում, շատ կապված էր ինձ հետ: Ես նրան չեմ հիշում, քանի որ շուտ է կյանքից հեռացել: Բայց ինձ պատմել են, որ երբ գալիս էր ինձ տանից տանելու, ամեն անգամ ներս մտնելիս ասում էր՝ «Քյաբաբիս տվեք, տանեմ»: Երեւի, քյաբաբ շատ էր սիրում»,- ասել է Քարտաշյանը:
«Փյունիկի» կայքը հայտնում է, որ Քարտաշյանը հարցազրույցի էր ուղեւորվել անմիջապես մարզումից եւ շտապելիս ճանապարհին թեթեւ պատահարի էր ենթարկվել մեքենայով:
«Արդեն մեկ տարի է մեքենա եմ վարում, ու սա առաջին դեպքն էր»,- միջադեպը մեկնաբանել է 19-ամյա ֆուտբոլիստը:
Նշենք, որ Արթուր Քարտաշյանն աշխարհի առաջնության ընտրական փուլի խաղերին հրավիրվում է Հայաստանի հավաքական, սակայն դեռ չի մասնակցել խաղի:
1
2
3
4
5
1
2
3
4
3
5
