Եվրոպայի 15 երկրներ միացել են ՌԴ-ի սպառազինության վերահսկման մասին նոր համաձայնագիր ընդունելու Գերմանիայի փորձին
Header
Եվրոպայի 15 երկրներ միացել են Ռուսաստանի սպառազինության վերահսկման մասին նոր համաձայնագիր ընդունելու Գերմանիայի փորձին: Այս մասին Die Welt-ի հետ հարցազրույցում հայտարարել է Գերմանիայի ԱԳ նախարար Ֆրանկ-Վալտեր Շթայնմայերը, որը Ռուսաստանի հետ երկխոսության խորացման հետեւողական կողմնակից է՝ ի հակակշիռ պատժամիջոցների եւ մեկուսացման քաղաքականությանը: Սիրիայի հարցում համաձայնությունների տապալումից հետո նախաձեռնությունը ԱՄՆ-ում հոռետեսորեն է ընդունվում, փոխանցում է Newsru-ն:
Շթայնմայերը պնդում է, որ երկխոսությունը կնպաստի Ղրիմում եւ Ուկրաինայում Ռուսաստանի գործողություններից հետո սպառազինության մրցավազքի մեծացման կանխմանը:
Շթայնմայերը Եվրոպայում սպառազինությունների վերահսկման նոր համաձայնագրի գաղափարն առաջ է քաշել օգոստոսին: Այդ պահից սկսած նախաձեռնությանն աջակցել են ԵԱՀԿ անդամ մեկ տասնյակից ավելի երկրներ, որոնց թվում են Ֆրանսիան, Իտալիան, Ավստրիան, Բելգիան, Շվեյցարիան, Չեխիան, Իսպանիան, Պորտուգալիան, Ֆինլանդիան, Նիդերլանդները, Նորվեգիան, Շվեդիան եւ այլ երկրներ:
Երկրների խումբը հինգշաբթի պատրաստվում է համընդհանուր հայտարարություն տարածել, իսկ դեկտեմբերի 8-9-ին Համբուրգում կայանալիք նախարարների մակարդակով հանդիպմանը քննարկել այդ համաձայնագիրը եւ արձագանքները:
1
2
3
4
5
1
2
3
4
2
3
5
