4 ամիս աշխատավարձ չստացած բնակիչները փակել են գյուղ տանող ճանապարհը
Ուշադրության կենտրոնում
Կոտայքի մարզի Արգել գյուղի բնակիչներն այսօր՝ նոյեմբերի 23-ին, առավոտվանից փակել են գյուղ մտնող ճանապարհը՝ պահանջելով վճարել աշխատավարձը։ Այս մասին NEWS.am-ի հետ զրույցում հաստատեց Արգելի գյուղապետ Մաթեւոս Ավագյանը։
Նա նշեց, որ քիչ առաջ գյուղացիներին հաջողվել է համոզել բացել ճանապարհը՝ պայմանով, որ երեքշաբթի մարզային իշխանությունը հանդիպելու է գործարանի սեփականատիրոջ հետ եւ քննարկելու է աշխատավարձի հարցը։
Նշենք, որ խոսքը «Արգել» գործարանի մասին է, որն արտադրում է ամրան։ Արդեն մեկ տարի է գործարանը չի աշխատում եւ չի վճարել աշխատակիցների 4 ամսվա աշխատավարձը։
«Մարզպետի, ոստիկանության, ազգայինան վտանգության, իմ խնդրանքով ժողովուրդը բացեց՝ հարգելով մեր խնդրանքը, պայմանավորվեցինք, որ երեքշաբթի օրը մարզպետարանում գործարանի սեփակնատիրոջ հետ կհանդիպենք եւ տեսնենք՝ ինչ է արվելու»,-ասաց գյուղապետը։
1
2
3
4
5
1
2
3
4
5
2
3
4
5
