Վիզայի դյուրացման կետը ես կառանձնացնեի ԵՄ-ի հետ կնքվելիք համաձայնագրից. Գերմանիայի դեսպան
Միջազգային
Հայաստան-ԵՄ բանակցությունները հաջող կերպով են ընթանում, բանակցային հերթական հանդիպումը տեղի է ունենալու դեկտեմբերին: Այս մասին, այսօր՝ նոյեմբերի 22-ին, լրագրողների հետ հանդիպման ժամանակ նշել է ՀՀ-ում Գերմանիայի դեսպան Մաթիաս Քիսլերը՝ անդրադառնալով ԵՄ-Հայաստան բանակցություններին:
«Առհասարակ այն փաստը, որ կնքվելու է այսպիսի համաձայնագիր, արդեն իսկ հաջողություն է, ազդակ, որ ՀՀ կառավարությունը հղում է թե Եվրոպային, թե Գերմանիային, եւ թե ԵՄ անդամ մյուս պետություններին, ազդակ, որ Հայաստանը ցանկանում է գնալ արդիականացման, բարեփոխումների ճանապարհով, ազդակ, որ այդ ճանապարհին իր համար ԵՄ-ն կարեւոր գործընկեր է»,-նշել է դեսպանն ու համոզմունք հայտնել, որ Եվրամիությունը, ԵՄ առանձին անդամ երկրները շատ ավելի շահագրգռված են նորանոր ազդակներ հաղորդելու կնքվելիք համաձայնագրին. «Այսպիսի լուրերն են, որ կարող են խթանել եվրոպացի գործարարներին՝ այստեղ իրականացնելու իրենց տնտեսական ծրագրերը, սրանք շատ դրական նորություններ կարող են լինել այս ոլորտի զարգացման համար»:
Այդուհանդերձ դեսպան Քիսլերը դժվարացավ նշել, թե երբ կյանքի կկոչվի կամ կորոշակիանա համաձայնագրի ստորագրումը:
«ՀՀ կառավարության կողմից ազդանշան կա, որ համաձայնագիրը կստորագրվի եկող տարվա գարնանը: Վիզայի դյուրացման կետը ես կառանձնացնեի ԵՄ-ի հետ կնքվելիք համաձայնագրից, ես կիսում եմ ՀՀ քաղաքացիների մեծ ցանկությունը՝ դյուրացված ընթացակարգով դեպի Եվրոպա ճամփորդելու հետ կապված:
Սակայն դեռեւս պարզ չէ, թե երբ կմեկնարկի երկխոսությունը Հայաստանի եւ ԵՄ-ի միջեւ վիզաների դյուրացման վերաբերյալ: Նախքան պաշտոնապես բանակցությունները սկսելը յուրաքանչյուր երկիր կարող է իրականացնել որոշակի քայլեր այդ ուղղությամբ, սա մեծապես կդյուրացնի դեպի պաշտոնական փուլ անցնելու ճանապարհը»,- ընդգծեց Գերմանիայի դեսպանը:
1
2
3
4
5
1
2
3
4
5
1
3
4
