Թեհրանը պատրաստ է Վաշինգթոնի հետ իրադարձությունների ցանկացած զարգացման. Իրանի ԱԳՆ
Ուշադրության կենտրոնում
Թեհրանը Դոնալդ Թրամփի երդմնակալությունից հետո պատրաստ է Վաշինգթոնի հետ իրադարձությունների ցանկացած զարգացման։ Այս մասին ասել է Իրանի ԱԳՆ պաշտոնական ներկայացուցիչ Բահրամ Ղասեմին, փոխանցում է ՏԱՍՍ–ը։
«ԱՄՆ–ում նախընտրական արշավի ժամանակ բազմաթիվ հայտարարություններ հնչեցին ամենատարբեր հարցերի շուրջ։ Այդ հայտարարությունները վերաբերում էին թե՛ միջուկային համաձայնագրին, թե՛ արաբական աշխարհին, թե՛ Եվրոպային, թե՛ ՆԱՏՕ–ին եւ այլ թեմաների։ Երբեմն դրանք հակասում էին միմյանց։ Դեռեւս վաղ է որեւէ դատողություն անել։ Ամեն դեպքում Իրանը պատրաստ է իրադարձությունների ցանկացած զարգացման եւ անհրաժեշտ միջոցներ կձեռնարկի ամերիկյան կողմի գործողություններին ի պատասխան»,– ասել է դիվանագետը։
Նա նաեւ մեկնաբանել է Իրանին ուղեւորատար օդանավերի վաճառքի արգելքի մասին օրինագիծը, որն ընդունվել էր ԱՄՆ Կոնգրեսում։
«Վերջին մեկ տարում Ներկայացուցիչների պալատը քիչ որոշումներ չի ընդունել, որոնք այդպես էլ չեն իրականացվել։ Մենք պետք է սպասենք հաջորդ փուլերին, երբ օրինագիծը մտնի Սենատ, իսկ հետո այն ստորագրի նախագահը։ Դա որոշ ժամանակ կպահանջի»,– ասել է Ղասեմին։
1
2
3
4
5
1
2
3
4
5
2
