ԱՄՆ–ում աճուրդի ժամանակ վաճառվել է աստվածաշնչյան 10 պատվիրաններով քարե արձանագրությունը
Միջազգային
Բեւերլի Հիլզում աճուրդի ժամանակ 850 հազար դոլարով վաճառվել է աստվածաշնչյան 10 պատվիրաններով ամենահին քարե արձանագրությունը, որը մոտավորապես 1500 տարվա պատմություն ունի, հայտնում է BBC–ն։
Ուղղանկյունի քարը մարմարի կտոր է, որն ունի 61 սմ բարձրություն եւ կշռում է մոտ 50 կգ։ Քարի վրա սամարացիների գրով փորագրված են 9 պատվիրանները։ Աստծու անունը զուր տեղը տալու մասին պատվիրանը բացակայում է։ Դրա փոխարեն փորագրված է տեղական համայնքներից մեկի հավատացյալների համար գործող կանոնը։
Սալաքարը հատվել է մոտավորապես 300-500 թվականներին։ Այն, ամենայն հավանականությամբ, զարդարում էր Իսրայելում հնագույն սինագոգի մուտքը, որն ավերել էին հռոմեացիները։
Աճուրդում վաճառքի պայման է եղել գտածոն թանգարանում տեղադրելը։ Մեկնարկային գինը 300 հազար դոլար է կազմել։
Սալաքարը հայտնաբերել էին 1913 թվականին Յանվե քաղաքում երկաթուղու շինարարության ժամանակ։
1
2
3
4
5
1
2
3
4
5
1
3
4
