«Հոֆենհայմի» սկաուտը Ֆիրմինոյին գտել է Football Manager-ով

Գերմանական «Հոֆենհայմի» սկաուտ Լուտց Պֆանենշտիլը պատմել է, որ 2010-ին բրազիլացի հարձակվող Ռոբերտո Ֆիրմինոյին ձեռք է բերել Football Manager համակարգչային խաղի միջոցով։ Ֆիրմինոյին ձեռք բերելու համար անգլիական «Լիվերպուլը» նախորդ տարի վճարել էր 34,8 միլիոն ֆունտ ստերլինգ։

«Ֆիրմինոյին գտել եմ Football Manager-ով։ Մենք նրան ձեռք բերեցինք մոտ 3․5 միլիոն ֆունտով։ Երբ Բրազիլիայի երկրորդ լիգայից գնում ես ֆուտբոլիստի, նա լինում 17-18 տարեկան։ Մարդիկ մտածում են, որ նա միանգամից կսկսի խաղալ գլխավոր թիմում։ Ոմանք չէին հասկանում` ինչու էինք մենք գումար վճարել մի ֆուտբոլիստի համար, որը խաղադաշտ դուրս չի գալիս։ Ի վերջո, մենք նրա տրանսֆերից ստացանք 42 միլիոն եվրո։ Կարծում եմ՝ ամեն բան ճիշտ ենք արել։ Դա շատ հաջող սկաուտական աշխատանք էր»,- սկաուտի խոսքը մեջբերում է Daily Mail-ը։

Անգլիայի ընթացիկ առաջնությունում Բրազիլիայի հավաքականի հարձակվողը մասնակցել է 10 խաղի եւ դարձել 5 գոլի հեղինակ։