ԱՄՆ–ի ամենաճշգրիտ վերլուծաբանը կանխատեսել է Թրամփի իմպիչմենտը
Header
Ամերիկյան համալսարանի պրոֆեսոր Ալան Լիչմանը, ով կանխատեսել էր ԱՄՆ ընտրություններում Դոնալդ Թրամփի հաղթանակը, այժմ կանխատեսում է նրա իմպիչմենտը։ Ընդ որում` վերլուծաբանը հայտարարել է, որ դրան հանգել է ոչ թե հաշվարկներով, այլ ինտուիցիայով։ «Նրանք` Կոնգրեսի հանրապետական կուսակցության անդամները, չեն ցանկանում Թրամփին տեսնել նախագահի պաշտոնում, քանի որ նրան չեն կարող վերահսկել, նա անկանխատեսելի է», – ասել է Լիչմանը։
Նրա խոսքով` հանրապետականները մեծ հաճույքով կգնան ԱՄՆ փոխնախագահի թեկնածու Մայքլ Փենսի հետևից, քանի որ վերջինս ավելի կանխատեսելի է և պահպանողական։
Հիշեցնենք, որ Լիչմանը հայտնի է նրանով, որ 1984 թվականից սկսած անսխալ կանխատեսել է ԱՄՆ վերջին 8 նախագահական ընտրությունների արդյունքները։ Նրա կանխատեսումները հիմնված են իր հեղինակային` «Սպիտակ տան բանալիները» մեթոդի վրա, որը հաշվի է առնում 13 չափանիշ` Ներկայացուցիչների պալատում կուսակցության մեծամասնությունը, խարիզման, ԱՄՆ տնտեսական վիճակը, սոցիալական ցնցումների բացակայությունը, արտաքին քաղաքականության պլյուսներն ու մինուսները և այլն:
1
2
3
4
5
1
2
3
4
2
3
5
