ԼՈՒՐՋ ՓՈՓՈԽՈՒԹՅՈՒՆ. Առանց վիզայի ԱՄՆ մուտքի թույլտվության ծրագրում

Երեւան: Մեդիամաքս: Այսօրվանից Միացյալ Նահանգները կիրառում է առանց վիզայի ԱՄՆ մուտքի թույլտվության ծրագրի փոփոխությունները՝ համաձայն 2015թ. ԱՄՆ մուտքի թույլտվության ծրագրի բարեփոխման եւ ահաբեկիչ ճանապարհորդների կանխման օրենքի:

Ինչպես տեղեկացնում են ՀՀ-ում ԱՄՆ դեսպանությունից, համաձայն օրենքի՝ ստորեւ նշված կատեգորիաների ուղեւորներն այլեւս չեն կարող օգտվել առանց վիզայի ԱՄՆ մուտքի թույլտվության ծրագրից. 

- Առանց վիզայի ԱՄՆ մուտքի թույլտվություն ունեցող երկրների քաղաքացիները, որոնք 2011թ. մարտի 1-ից հետո մեկնել կամ եղել են Իրանում, Իրաքում, Սուդանում կամ Սիրիայում (բացառություն են կազմում դիվանագիտական կամ ռազմական նպատակով ճանապարհորդները);

-  Առանց վիզայի ԱՄՆ մուտքի թույլտվություն ունեցող երկրների քաղաքացիները, որոնք միեւնույն ժամանակ ունեն Իրանի, Իրաքի, Սուդանի կամ Սիրիայի քաղաքացիություն;

Այս անձինք սովորական ընթացակարգով մուտքի վիզաներ ստանալու համար կարող են դիմել իրենց երկրներում ԱՄՆ դեսպանություններ եւ հյուպատոսական բաժիններ:

Բոլոր նրանց համար, ովքեր ունեն անհետաձգելի ճանապարհորդության կարիք ԱՄՆ՝ գործնական, բուժման կամ հումանիտար նպատակով, ԱՄՆ դեսպանությունները եւ հյուպատոսական բաժինները պատրաստ են դիմումներին ընթացք տալ արտահերթ կարգով:
Սահմանափակումների չկիրառումից կարող են օգտվել հետեւյալ կատեգորիաների ճանապարհորդող անձինք.

- Անձինք, որոնք պաշտոնական այցով մեկնել են Իրան, Իրաք, Սուդան կամ Սիրիա՝ որպես միջազգային, տարածքային կազմակերպությունների, տեղական իշխանությունների ներկայացուցիչներ;

- Անձինք, որոնք պաշտոնական այցով մեկնել են Իրան, Իրաք, Սուդան կամ Սիրիա՝ որպես մարդասիրական/ հումանիտար հասարակական կազմակերպությունների ներկայացուցիչներ; 

- Լրատվություն ապահովելու նպատակով մեկնած լրագրողները;

- Անձինք, որոնք մեկնել են Իրան օրինական գործարար նպատակով եւ հետեւել «Միացյալ համակողմանի գործողությունների պլանին», հուլիսի 14, 2015թ. (Joint Comprehensive Plan of Action);

-  Անձինք, որոնք մեկնել են Իրաք օրինական գործարար նպատակով:

Մուտքի վիզաների վերաբերյալ տեղեկությունները հասանելի են այստեղ:

- See more at: http://www.mediamax.am/am/news/foreignpolicy/16723/#sthash.yn5d0Hm3.dpuf