Սիրիայի բանակը սկսել է մարտնչել արեւմտյան Հալեպում ահաբեկիչների վերջին հենակետի համար

Սիրիայի կառավարական զորքերը շաբաթ առավոտյան նշանակետային կրակ են բացել Հալեպի արմուտքում ահաբեկիչների վերջին հենակետի վրա՝ Ռաշիդին միկրոթաղամասում, հայտնում է լիբանանյան «Ալ Մայադին» հեռուստաալիքը։

Ավելի վաղ հայտնել էին, որ ուրբաթ լույս շաբաթ գիշերը սիրիական բանակը ժողովրդական աշխարհազորի ջոկատների հետ միասին վերադարձրել է հսկողությունը հոկտեմբերի վերջին զինյալների կողմից գրավված Ալ Ասադ թաղամասի հանդեպ։ Համատեղ ջանքերով ահաբեկիչները դուրս են մղվել նաեւ մոտակա Մինյան գյուղից։

 Հիմա կառավարական ուժերի ու «Ջեյշ ալ Ֆաթհ» կոալիցիայի անդամների միջեւ դաժան մարտեր են ծավալվում Ռաշիդինի մատույցներում։ Միաժամանակ բանակը գնդակոծում է զինյալներին հրթիռային սարքերից ու ականանետերից։ Հենց Ռաշիդին միկրոթաղամասում են գտնվում նաեւ «Ջեյշ ալ Ֆաթհ»-ի պահեստները ու հրամանատարային կետերը։

Արմատական խմբավորումները ՝ «Ջեբհաթ ան Նուսրա» խմբավորման ղեկավարությամբ հոկտեմբերի 28-ին փորձել էին ճեղքել Հալեպի արեւելյան թաղամասերի շրջափակումը, որտեղ մեծ քանակության զինյալներ են մնացել։

Հարձակման ընթացքում ահաբեկիչներին հաջողվել է գրավել ԱԼ Ասադ թաղամասի մեծ մասը ու մոտենալ համանուն ռազմական ակադեմիային։ Սիրիական բանակն ու աշխարհազորայինները կարողացել են անդրադարձնել ակադեմիայի վրա հարձակումները ու ազատել թաղամասի մի մասը։ Հաջորդ օրն ամբողջովին հետ է մղվել ահաբեկիչների հարձակման երկրորդ փորձը։

Այս շաբաթ կանոնավոր զորքերին ու աշխարհազորայիններին հաջողվել է վերադարձնել հսկողությունը 1070 թաղամասի ու ռազմավարական բարձունքների նկատմամբ։ Առաջին 24 ժամերին ոչնչացվել է ավելի քան 500 ահաբեկիչ։