Science-ի գլխավոր խմբագիրը՝ Դոնալդ Թրամփի հաղթանակի հնարավոր հետեւանքների մասին
Միջազգային
Science ամսագրի գլխավոր խմբագիր Ջերեմի Բերգը պատմել է, թե ինչի կարող է հանգեցնել Դոնալդ Թրամփի ընտրության պատճառով հասարակության պառակտումը: Այս մասին նա գրել է Science-ում հրապարակված հոդվածում:
Նա հիշեցրել է, որ նախկինում անհանդուրժողականությունը հրեաների հալածանքների պատճառ է դարձել, ինչն էլ բերել է 1938-ին տեղի ունեցած Հախճապակյա գիշերվա դեպքերին (խանութի ցուցափեղկերի կոտրում): Միաժամանակ նա չի ուզում Սպիտակ տան նոր ղեկավարին համեմատել Ադոլֆ Հիտլերի հետ:
Բերգի կարծիքով ընտրությունները ցույց տվեցին, որ ԱՄՆ-ում կա սեռական, ռասայական եւ կրթական մակարդակի հիման վրա տարանջատում: Այդ պայմաններում գիտական հասարակությունը պետք է ցույց տա իր կարեւոր դերը այդ խնդրի լուծման հարցում:
Բերգը հիշեցնում է, որ ԱՄՆ շատ Նոբելյան մրցանակի դափնեկիրներ ներգաղթյալներ են եղել: Դա ցույց է տալիս, որ գաղթածները, չնայած Թրամփի վերաբերմունքին, կարող են երկրի համար օգուտ բերել տեխնոլոգիական նորարարությունների եւ գյուտերի տեսքով: Միաժամանակ հեղինակը մտահոգված է, որ Թրամփը քաղաքական փորձ չունի, եւ ներքին ու արտաքին քաղաքականության մեջ հստակ գիծը բացակայում է:
1
2
3
4
5
1
2
3
4
5
2
