Երեւանում վերելակում արգելափակված կնոջ վիճակը շարունակում է մնալ ծանր
Հասարակություն
Երեւանի Խաղաղ Դոնի փողոցի թիվ 23 շենքի վերելակում հոկտեմբերի 30-ին արգելափակված 62-ամյա Ռիտա Դոդոյանի վիճակը շարունակում է մնալ ծանր, նա առաջիկա մեկ շաբաթվա ընթացքում չի տեղափոխվի հիվանդասենյակ։ Այս մասին այսօր՝ նոյեմբերի 11-ին, NEWS.am-ի հետ զրույցում ասաց Երեւանի «Էրեբունի» բժշկական կենտրոնի տնօրեն Միքայել Մանուկյանը: Նա նշեց, որ 62-ամյա կինը դեռ գտնվում է Վերակենդանացման բաժանմունքում եւ միացված է արհեստական շնչառության ապարատին, սակայն, տնօրենի փոխանցմամբ՝ կնոջ առողջական վիճակում կա դրական դինամիկա:
Ավելի վաղ տեղեկացրել էինք, որ Երեւանի Խաղաղ Դոնի փողոցի թիվ 23 շենքի վերելակի վերին հատվածի եւ 6-րդ հարկի հատակի միջակայքում արգելափակվել է 62-ամյա քաղաքացի, որը տեղափոխվել է Երեւանի «Էրեբունի» բժշկական կենտրոն։ Հիվանդանոցում կնոջ ոտքը վիրահատել են։ Կինն ունի սրունքի բաց կոտրվածք, թոքերի սալջարդ, կողերի եւ ամրակի կոտրվածք:
Արտակարգ իրավիճակների նախարարության լրատվական բաժնից մեզ տեղեկացրել էին, որ ՀՀ ԱԻՆ տեխնիկական անվտանգության ազգային կենտրոնում ստեղծվել է դեպքի տեխնիկական քննության հանձնաժողով՝ դեպքի հանգամանքները պարզելու համար:
1
2
3
4
5
1
2
3
4
5
5
