Մինչեւ 2016-ի հունվարի 1-ը թոշակառուներին ավելի վճարված` վերադարձման ենթակա գումարները կզրոյացվեն

Մինչեւ 2016թ. հունվարի 1-ը ավելի վճարված կենսաթոշակների գումարները, որոնք պետք է վերականգնվեն ՀՀ պետական բյուջե, կզրոյացվեն:

ՀՀ աշխատանքի եւ սոցիալական հարցերի նախարարությունից NEWS.am-ին հայտնում են, որ ըստ 2015 թվականի ընթացքում ձեռնարկած միջոցառումների արդյունքների՝ հայտնաբերվել է կենսաթոշակների 240.6 մլն դրամ ավել վճարված գումար:

Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով

ՀՀ կառավարության 2016թ. նոյեմբերի 10-ի նիստում հավանության արժանացած  «Պետական կենսաթոշակների մասին» Հայաստանի Հանրապետության օրենքում փոփոխություններ եւ լրացումներ կատարելու մասին» ՀՀ օրենքի նախագծով առաջարկվում է հստակեցնել ավել վճարված կենսաթոշակների հաշվարկման եւ հետգանձմանն առնչվող իրավակարգավորումները:

Նախագծով սահմանվում է, որ

1) ավել վճարված կենսաթոշակի գումարները կարող են հետ գանձվել կենսաթոշակ նշանակող ստորաբաժանման եւ այդ գումարը ստացած անձի միջեւ փոխհամաձայնեցված մարման ժամանակացույցի հիման վրա,

2)  հետ են գանձվում (բռնագանձվում) այն գումարները, որոնք սխալմամբ (ՀՀ օրենքի խախտմամբ) կենսաթոշակառուին են վճարվել սխալը (խախտումը) հայտնաբերելու օրվան նախորդող 3 տարվա (36 ամսվա) ընթացքում:

Խնդրի սոցիալական էությունը հաշվի առնելով՝ առաջարկվում է նաեւ մինչեւ 2016 թվականի հունվարի 1-ն ավել վճարված կենսաթոշակների գումարների մասով առաջացած պարտավորությունները զիջել, բացառությամբ այն դեպքերի, երբ.

1) կենսաթոշակի գումարը վճարվել է կենսաթոշակառուի մահվան ամսվան հաջորդող ամիսների համար,

2) կենսաթոշակի գումարը վճարվել է Հայաստանի Հանրապետության քրեական օրենսգրքով նախատեսված արարքի հետեւանքով, որը հաստատված է դատարանի՝ օրինական ուժի մեջ մտած վճռով (յուրացման դեպքերը):

Նախագծով առաջարկվում է կանոնակարգել նաեւ քրեակատարողական հիմնարկում  գտնվող կալանավորված անձի կենսաթոշակի իրավունքի իրացման կարգը: