Լճացածները Բաղրամյան պողոտայում

Այս առիթով այսօր էլ Հիմնադիր խորհրդարանի անդամ Վարուժան Ավետիսյանը կայքերից մեկին տված հարցրազրույցի ժամանակ ասել է, որ ռեժիմն իր ոստիկանական ուժերի և մոլորյալ մարդկանց միջոցով փորձեց պառակտել հավաքվածներին, որի արդյունքում միայն զտում տեղի ունեցավ: Ինչպես նաև հավելել է, որ այն մարդիկ ովքեր ընտրեցին մեծամասնության համար ոչ ընդունելի տարբերակ, նրանց մեջ կային և ռեժիմի ներկայացուցիչներ և մոլորված մարդիկ:

Ի՞նչ է նշանակում զտեցին և զտվել ասելով ի՞նչ նկատի ունի Ավետիսյանը: 
Արդյո՞ք Հիմնադիր խոսրհրդարանն ունի այն բարոյական իրավունքը, որ Շուշանյանի ու Մաքսիմի երեկվա կատարած քայլը և ցուցարարների մի մասի հեռանալը Բաղրամյան պողոայից որակի որպես շարժման ֆիլտրացիա: Հաշվի առնելով Հիմնադիր խորհրդարանի ու նրա բուծած տեղական արտադրության զոմբիների ռադիկալ գործողությունները պետք է ասել, որ Բաղրամյան պողոտան ֆիլտրելու դեպքում առաջինը լուսանցքից դուրս կհայտնվեն սեֆիլյաններն ու կիվիրյանները:

Իսկ ինչ վերաբերվում է ակտիվիստներին ռեժիմի սպասավորներ անվանաելուն, ապա կարծում եմ, որ Ավետիսյանը շարժումը սկսած երիտասարդներին նման որակումներ տալու ոչ մի հիմք չունի:

Կեղծ բարեպաշտներն արթնացել են: Պարոն Ավետիսյան, իսկ որտե՞ղ էիք, երբ շարժման մասնակիցները մի քանի օր լուսացնում էին Ազատության հրապարակում: Եթե իրոք շարժման նախաձեռնողները հանդիսանում էին իշխանությունների դրածոներ, ապա ինչու՞ այդ ժամանակ նրանց ՀԽ-ն չվնասազերծեց:
Պարզապես Հիմանդիր խորհրդարանն ու նրա նման կառույցները սպասում էին հարմար պահի, որպեսզի շարժման ղեկը վերցնեն իրենց ձեռքն ու պայքարին հաղորդեն քաղաքական երանգներ: