«Պոբեդա» ավիաընկերությունը կհրաժարվի դեպի Երեւան թռիչքներից սպասարկման բարձր սակագների պատճառով
Header
Ռուսական «Պոբեդա» լոուքոսթեր ավիաընկերությունը կհրաժարվի Դոնի Ռոստով- Երեւան չվերթներից «Զվարթնոց» օդանավակայանում ուղեւորների սպասարկման բարձր արժեքի պատճառով, այս մասին հայտնել է ավիաընկերությունում «Ինտերֆաքսի» աղբյուրը։
«Մենք որոշել ենք հրաժարվել դեպի Երեւան թռիչքներից օդանավակայանում ուղեւորների սպասարկման անհամաչափ բարձր արժեքի պատճառով։ «Զվարթնոց" օդանավակայանում այն կազմում է մեկ մարդու համար 50 եվրո ՝ ավելին քան մեր սակագինը»,- ասել է գործակալության զրուցակիցը։
Նա հավելել է, որ «Պոբեդա» օտարերկրյա երթուղային ցանցում (թռչում է Եվրոպայի ու ԱՊՀ ինը ուղղություններով) օդանավակայանային սպասարկման սակագինը կազմում է միջինը մեկ մարդուն 10 եվրո, իսկ որոշ օդանավակայաններում այն առհասարակ անվճար է։
"Պոբեդան" դեռ հուլիսին է ստացել Դոնի Ռոստով- Երեւան կանոնավոր չվերթների թույլատվություն ՝ շաբաթական չորս անգամ հաճախությամբ, բայց չվերթները այդպես էլ չեն սկսվել։ Միաժամանակ հոկտեմբերին հայտնում էին,որ «Ռոսավիացիան» փոխադրողին թույլատրել է Մոսկվայից թռիչքներ Հայաստանի երկրորդ քաղաք՝ Գյումրի։ Գործակալության տվյալներով տեղի օդանավակայանը «Պոբեդային» սպասարկման զեղչ է տրամադրել։
1
2
3
4
5
1
2
4
5
3
4
5
