ՀՀԿ պատգամավոր Աշոտ Աղաբաբյանը՝ ՀՀԿ-ի և էլեկտրաէներգիայի թանկացման դեմ բողոքի ակցիայի մասին (տեսանյութ)
TVԵթե մենք աշխատող ժողովուրդ ենք, մեր գները պիտի իջնեն, ինչո՞ւ են բարձրանում։ Քիչ առաջ այդ մասին, Բաղրամյան պողոտայում լրագրողների հետ զրույցում ասասց ԱԺ հանրապետական պատգամավոր Աշոտ Աղաբաբյանը՝ Բուռնաշը։
«Մենք այսօր ոչ թե յոթ դրամի համար ենք կանգնած, այլ որ ամեն տարի յոթ դրամ չավելացնեն։
Եթե մենք աշխատող ժողովուրդ ենք, մեր գները պիտի իջնեն, ինչո՞ւ են բարձրանում»,- ասել է նա։
Ես չեմ համարում, որ Բաղրամյանում մնալը արդարացված է, կարող ենք Օպերայում լինել կամ Աշտարակի խճուղում:
Խոսելով Սերժ Սարգսյանի վերջին հայտարարության մասին՝ պատգամավորն ասաց. «Երկրի նախագահը երբեք ինքն իրանից բան չի կարող հնարել։ Գոյություն ունեն համապատասխան հանձնաժողովներ, որոնք կարծիք են ասում։ Նախագահն ասաց, որ հարկավոր է հասկանալ խնդիրը։ Եվ, իմ կարծիքով, ժամանակ խնդրեց։ Կարծում եմ, դա ճիշտ է։ Բայց նահանջելն էլ սխալ է։ Այս ամեն ակցիա է, բողոքի ակցիա, արժանապատվությունը պահելու ակցիա, և որտեղ էլ լինի, կարևոր չէ։ Բայց հիմա մեր կենտրոնական փողոցում ենք։ Եթե այսքան մարդ որոշել է մնալ, միգուցե ճիշտը սա է»,- նկատել է Աղաբաբյանը։
Պատգամավորը մտավախություն չունի, որ իր կուսակիցների հետ իր հարաբերությունները կսրվեն` Բաղրամյան պողոտայի նստացույցին մասնակցելու համար։ «Ինչո՞ւ պիտի սրվի։ Յուրաքանչյուր կուսակցություն պետք է իմանա, եթե ինքն իր թերությունները չի տեսնում, ուրիշը կտեսնի։ Չկա անթերի կուսակցություն»,- նշել է պատգամավորը։
Անդրադառնալով Աշոտյանի հանդեպ ցուցաբերած վերաբերմունքին, Աղաբաբյանը նշեց, որ նա է մեղավոր այդ վերաբերմունքի համար, ինչու՞ իրեն այդ կերպ չընդունեցին։
Ուկրաինացի մի լրագրողի հարցի էլ պատասխանելով՝ Աշոտ Աղաբաբյանն ասել է, թե «Սա ուկրաինական Մայդանը չէ, հայկական Բաղրամյանն է»։
Աղբյուրը՝ BlogNews.am
1
2
3
4
5
1
2
3
4
5
1
3
4
