Ռուսաստանը կխանգարի Ադրբեջանին վերադարձնել Ղարաբաղը. Ալիևի նախկին խորհրդական
Header
1in.am-ը գրում է.
Ալիևի նախկին խորհրդական, Հայրենական մեծ պատերազմի վետերան, գեներալ-գնդապետ Թոֆիկ Աղահուսեյնովը կասկածում է, որ Ռուսաստանը չի խոչընդոտի Ադրբեջանի կողմից ուժային ճանապարհով իր տարածքային ամբողջականության վերականգնմանը, հայտնում է Interfax-Ադրբեջանը:
«Ես անձամբ համոզված եմ, որ Ադրբեջանի ազգային բանակը այն վիճակում է, որ կարող է ազատ լուծել մեր տարածքների ազատագրման խնդիրը: Սակայն այդ ուղղությամբ միշտ առկա է հարց այն մասին, թե ով կարող է խանգարել այդ գործընթացին»,- հայտարարել է Աղահուսեյնովը:
Այդ կապակցությամբ նա ասել է, թե հասկանում է Ադրբեջանի նախագահին, որը չի ցանկանում, որ երիտասարդությունը սպանվի:
«Մեր հանրապետությունը այսօր ծաղկում է, իսկ ցանկացած պատերազմ պարտադիր հանգեցնում է պետության դեգրադացիայի: Այդ պատճառով մեր երկիրը հակամարտությունը ձգտում է լուծել խաղաղ ճանապարհով, ու այդ ուղղությամբ արվել է մեծ աշխատանք: Հիշեք, թե Բաքվի նկատմամբ ինչ վերաբերմունք էր ցուցաբերվում ղարաբաղյան հակամարտության սկզբում համաշխարհային հանրության կողմից, հիմա այս հարցում նկատվում է բոլորովին այլ ֆոն»,- ասել է նա:
Ընդ որում՝ նրա խոսքով, պարզ չէ, թե ինչպես իրեն կպահի Ռուսաստանը, եթե Ադրբեջանը դիմի հակամարտության լուծման ռազմական ուղուն:
1
2
3
4
5
1
2
5
