Պահանջը կատարվել է՝ ժողովրդի գրպանին թանկացումը ուղիղ կերպով չի ազդելու. Տիգրան Քոչարյան
Հասարակություն
Tert.am-ը գրում է
Ժողովրդի գրպանին թանկացումն ուղիղ կերպով չի ազդելու: «Արմենպրես»-ի հետ զրույցում նման կարծիք է արտահայտել տեղեկատվական անվտանգության փորձագետ Տիգրան Քոչարյանը՝ նկատի ունենալով ՀՀ Նախագահի հայտարարությունը, որ թանկացմանը բեռը կմնա կառավարության ուսերին մինչև «Հայաստանի էլեկտրական ցանցեր» ընկերությունում աուդիտի պատասխան ստանալը:
«Ընդհանուր առմամբ, դրական եմ գնահատում ներկայիս իրավիճակը լիցքաթափելուն ուղղված բոլոր քայլերը: Գլոբալ առումով ժողովրդի պահանջը կատարվել է և ժողովրդի գրպանին թանկացումը չի ազդելու, մինչև նախատեսվող աուդիտի արդյունքները»,– ասել է նա:
«Նաև շատ հնարավոր է, որ աուդիտի արդյունքում սեփականատիրոջ փոփոխության հարց առաջանա, ինչում ես համարյա համոզված եմ, քանի որ ներկայիս սեփականատիրոջ մենեջերական կարողություններին բոլորս ծանոթ ենք և հույս կա, որ նոր սեփականատերն այլ ուղով կտանի այս բիզնեսը և բացթողումները կշտկվեն հօգուտ ժողովրդի», - ավելացրել է նա Տիգրան Քոչարյանը:
Տեղեկատվական անվտանգության փորձագետի կարծիքով՝ հանրությանը հետաքրքրում է, թե ինչքանով վստահելի կլինեն աուդիտի արդյունքները, ինչքանով բաց ու հրապարակային կլինի այն և ինչքանով յուրաքանչյուր քաղաքացին հնարավորություն կունենա հետևել այդ գործընթացին:
1
2
3
4
5
1
2
3
4
1
2
3
4
5
