Մի քանի օր շարունակ հանուն հաղթանակի ասֆալտի վրա գիշերողին չեք խաբի ձեր «փափուկ բարձերով»

Գարիկ Պետրոսյանը ֆեյսբուքյան իր էջում գրում է.

Իշխանությունները տարիներ շարունակ իրենց մանկլավիկների միջոցով ժողովրդին կարողացել են խաբել` աներևույթ «դրական» տեղաշարժերը ներկայացնելով իրենց կողմից շրջանառության մեջ գցած «մեկ քայլ առաջ» ձևակերպմամբ:

Այսօր իշխանության ականներն ու չստացված քաղաքական գործիչները կփորձեն ոչինչը ներկայացնել, որպես «մեկ քայլ առաջ» դեպի հաղթանակ:

Երբ այս երիտասարդները սկսեցին իրենց սոցիալական բունտը, ես հորդորեցի բոլոր նրանց, ովքեր մինչ այսօր սեփական պայքարով ոչնչի չէր հասել, ուղղակի լռել և սատարել երիտասարդներին միայն իրենց ֆիզիկական ներկայությամբ: Լավ կլինի, որ որևէ մեկը իր «փայլուն» գաղափարներով չխանգարի երիտասարդներին նաև հիմա:

Այսօր ոչ մի շոշափելի դրական առաջընթաց չի գրանցվել: Այն ինչ հայտարարել է իշխանության ղեկավարը, ընդամենը հերթական քայլ է, ի դեպ ներկայացված ոչ թե հասարակական ճնշման հետևանք, այլ սեփական նախաձեռնություն: Սա ամենևին էլ այն չի, ինչ պահանջում է ժողովուրդը: Բոլոր նրանք, ովքեր այս քայլը հաղթանակ են համարում, ապա հիշեցնեմ` մենք միլետարիստական երկրում չենք ապրում, որտեղ իշխանության նորմալ քայլերը պիտի ներկայացնենք որպես հաղթանակ: Իշխանությունը պարտավոր էր գոնե ինչ-որ որոշում կայացներ, որն էլ փաստացի արել է: Այդքան բան; Հերիք եղավ, ձեր լոլոներով ոչինչը ներկայացնեք որպես հաղթանակ:

Յոթ տարի այդ սուտ հաղթանակներով հենց դուք եք աջակցել երկրի նման ծայրահեղ վատ վիճակին հասնելուն:

Վստահ եմ, որ որևէ մեկին, ով արդեն մի քանի օր գիշերում է ասֆալտի վրա հնարավոր չի լինի խաբել նմանատիպ փափուկ բարձերով,,,