Հայտնի լրագրողը առաջարկել է սպանել Թրամփին

Բրիտանացի հեռուստահաղորդավար,սըր Դեւիդ Աթթենբորոն The Radio Times–ին տված հարցազրույցում հայտնել է, որ եթե չի կարելի ուղղակիորեն ազդել ԱՄՆ ընտրությունների ելքի վրա, ապա կարելի է դիմել ծայրահեղ քայլերի։

«Մենք կարող էինք պարզապես սպանել նրան։ Մենք տեսել ենք նախորդ նախագահներին, նրանք բոլորը մեղավոր են ինչ-որ հանցագործությունների մեջ, ուրիշ էլ ինչ ընտրությո՞ւն ունենք»,- ասել է Աթթենբորոն, հայտնում է Lenta–ն։

The Independent պարբերեկանը նշում է, որ Աթթենբորոն մինչեւ վերջին պահը մնում էր այն սակավաթիվ մեդիա անհատներից, որոնք զերծ էին մնում ընտրություններին Թրամփի մասնակցությունը հրապարակավ գնահատելուց։ Ըստ ամենայնի, բրիտանացին կատակել էր հանրապետականին սպանելու առթիվ, սակայն նրա հումորը ոչ բոլորն են ընկալել։

ԱՄՆ նախագահական ընտրությունները կկայանան նոյեմբերի 8-ին։ Նախագահի պաշտոնի համար պայքարում են հանրապետական Դոնալդ Թրամփը ու դեմոկրատ Հիլարի Քլինթոնը։ Reuters-ի պատվերով անցկացված հարցման տվյաներով նոյեմբերի 1-ի դրությամբ Թրամփը Քլինթոնի հետ ձայների տարբերությունը կրճատել է մեկ տոկոսով։ Հիմա Քլինթոնի օգտին պատրաստ է քվեարկել 44 տոկոսը, իսկ Թրամփի օգտին՝ 39 տոկոսը։

90-ամյա Աթթենբորոն համարվում է բնության մասին վավերագրական ֆիլմերի պիոներ։ 1960- ականներին ու 1970-ականներին նա եղել է «Բի Բի Սի» կորպորացիայի գլխավոր մենեջերը։ 1985-ին նրան ասպետի կոչում են տվել։