Պահն է, հիմա կամ երբեք, թե չէ բաց կթողնենք էս շաբաթվա հաղթանակը...

Աշոտ Վիրաբյանը ֆեյսբուքյան իր էջում գրում է. 

Նախագահի հայտարարությունը էս պահի լավագույն լուծումն ա. ստեղծել աուդիտային հանձնաժողով /նաև երիտասարդական շարժման ղեկավարների մասնակցությամբ/ ու հասկանալ՝ հոսանքի թանկացումը օբյեկտիվ ա՞, թե՞ բիբինազգիների կերածը ժողովրդի քթից բերելու փորձ: Ու երկրորդը՝ քանի դեռ աուդիտը որոշում չի տվել, թող կառավարությունը վճարի էս հարցականների համար:

Ո՛չ ժողովուրդը: Ժողովուրդը իրա վառած հոսանքի համար արդեն վճարել ա ու հեչ պատասխանատու չի ինչ-որ մեկի <կորուստների> համար: Պարզ ու հասկանալի որոշում, որ հրապարակվեց, ու հիմա ցուցարարները քննարկում են Բաղրամյանում: Ու հենց էդ քննարկման ժամանակ էլ հետաքրքիր բաներ են հայտնվում: Ցուցարարների մի մասը տոնում ա հաղթանակը, մի մասը շփոթմունքի մեջ ա, մի պուճուր մասն էլ անհասկանալի վճռական ա: Սովորական վիճակ՝ որոշում կայացնելու պահին…

Բայց հիմա ամենահետաքրքիրն ասեմ, որ էրեկվա մտահոգություններիս հաստատումն ա: Հայտարարությունից անցած էս ժամերի մեջ նկատել ե՞ք, ժողովո՛ւրդ, որ շարժման ղեկավար ջահելները մի տեսակ հետ ենք քաշվել, ու առաջ են եկել անհասկանալի երևույթներ: Օրինակ, հաստատուն զիբլի յաշիկի վրա կանգնած ա /իսկական իրա տեղն ա/ ինչ-որ անհասկանալի երևույթ Արգիշտի Կիվիրյան, որի բանուգործը պղտոր ջուր սարքելն ու մեջը ընկնելն ա՝ <հանցավոր ռեժիմի մասին> կնկավարի ղժղժոցով: Օրինակ՝ մի Մուշեղ Մաղաթելյան՝ դիպլոմը կեղծելու համար ժամանակին նստած, մարդ ծեծող քառթու մլիցա, որ հիմա դեմոկրատ ա դառել՝ էն էլ թունդ լիբերալ:

Մի Նիկոլ Փաշինյան, որ կուսակցություն ու կերակրող ձեռ փոխելով, բարերար ուրանալով ու անցյալ մոռանալով՝ հասել ա էնտեղ, ուր հասել է, ու իրա ամբողջ քաղաքական կյանքում յոթ հոգուց ավել միտինգ չի հավաքել: Սրանց գումարած տարբեր արկածախնդիրներ՝ փակած ու բաց դեմքերով: Սրանց էլ գումարած էն, որ ՀՀՇա-ականներն էսօր ուղղակի վխտում են հավաքի տարածքում…

Իսկ շարժման ջահել ղեկավարները հետ են մղվում ու սրանց կողմից վերջնական խժռվելու են, եթե շարժումը չփրկի իրա ղեկավարներին: Ուշքի էկեք, ժողովո՛ւրդ, երբ որ ասածս ու մնացած երևույթները <պայքարը շարունակելու> կոչ անեն, հարցրեք՝ հանուն ինչի, երբ որ սկսեն մուտիտ անել <կասեցում> ու <չեղարկում> բառերով, ռադ արեք Բաղրամյանից, ռադ արեք ձեր միջից, քանի ուշ չի: Պախկվածները վերջապես ելել են ջրի երես: Գիտեք՝ ինչն առաջինը ջրի երես ելնում:

Ջահելնե՛ր, մի թողեք ջրի երեսին, մաքրեք մեր ջրերը, իսկական ժամանակն ա՝ սրանց մաքրելով՝ սրանց ծռած ճանապարհը ուղղելու համար:

Պահն ա, հիմա կամ երբեք, թե չէ բաց կթողնենք էս շաբաթվա հաղթանակը, որ, հավատացե՛ք՝ յոթ դրամը չի, դուք եք ու ձեր իմաստուն հայրենասիրությունը…