Չիկագոյի օդանավակայանից թռիչքի ժամանակ American Airlines-ի ինքնաթիռում հրդեհ է բռնկվել. կան վիրավորներ (լուսանկարներ, տեսանյութ)

Tert.am-ը գրում  . 

Չիկագոյի Օ’Հարա միջազգային օդանավակայանում American Airlines ավիաընկերությանը պատկանող Boeing 767 ինքնաթիռի աջ շարժիչը պայթել է թռիչքի ժամանակ՝ շարժիչի բեկորները նետելով մի քանի հարյուր մետր հեռավորության վրա, հայտնում է CNN-ը։

Ինքնաթիռում եղել է 161 ուղևոր և անձնակազմի 9 անդամ։ Նրանք բոլորը տարհանվել են ինքնաթիռի աջ կողմում հրդեհի բռնկումից հետո։

Հաղորդվում է, որ 20 մարդ տեղափոխվել է հիվանդանոց՝ տարհանման ժամանակ ստացած վնասվածքներով։

Ինքնաթիռն ուղևորվում էր Մայամի, սակայն ստիպված է եղել դադարեցնել թռիչքը՝ շարժիչի հետ առաջացած խնդրի պատճառով։

Օդանավակայանի հրշեջ ծառայության ղեկավար Թիմոթի Սեմփին հայտնել է, որ իրենք արձագանքել են ինքնաթիռի երկրորդ շարժիչի հրդեհվելու ահազանգին։ Նա նշել է, որ հետևանքները կարող էին սարսափելի լինել, եթե շարժիչը բռնկվեր փոքր-ինչ ավելի ուշ։

ԱՄՆ քաղավիացիայի դաշնային վարչությունն ավելի վաղ հայտնել էր, որ ինքնաթիռը դադարեցրել է դեպի Մայամի թռիչքը վնասված անվադողի պատճառով։

Շարունակությունը՝ այստեղ :