8 փայլուն խորհուրդ ոճի մասին Իվ Սեն Լորանից

BlogNews.am -ը գրում է .

Նորաձևության ոլորտում անարխիստ ու ֆեմինիստ Իվ Սեն Լորանն իր մուսաներին սմոքինգներ, տաբատներ ու թափանցիկ շապիկներ էր հագցնում, որոնցով նա հմտորեն կարողանում էր ընդգծել կանացի նրբագեղությունը։ Նրա ստեղծած հագուստում կանայք ավելի ազատ ու ինքնավստահ էին զգում՝ հասկանալով, որ գրավչությունը լայն դեկոլտեի ու նեղ կրծկալի մեջ չէ։

Գեղեցիկ լինելու համար կնոջը բավական է սև սվիտեր ու սև կիսաշրջազգեստ ունենալ և թևանցուկ քայլել իր սիրած տղամարդու հետ։

Սեն Լորանը սև գույնն էլեգանտության խորհրդանիշ էր համարում։ Նա կարողացավ այն ամենօրյա զգեստապահարանի մաս դարձնել, ու դա պահպանվել է մինչ այսօր։

Նույնիսկ ամենանրբագեղ հագուստին գոնե մի կաթիլ օծանելիք է անհրաժեշտ։ Միայն դա կերպարին ամբողջականություն ու կատարելություն կհաղորդի, իսկ այն իր հերթին՝ հմայք ու գրավչություն։

Լորանը խոշոր ու վառ զարդերի երկրպագու չէր։ Նրա սիրած աքսեսուարը լայն, սև շրջանակներով անոցն էր։ Սեն Լորանը խորհուրդ էր տալիս կերպարը լրացնել արևային ակնոցներով և հավատացած էր, որ օծանելիքի համապատասխան բույրը ոճը շատ ավելի լավ է ընդգծում, քան որևէ խոշոր զարդ։

Այս կյանքում ես միայն մի բանի համար եմ ափսոսում, որ ջինսերը ես չեմ ստեղծել։

Սեն Լորանը պաշտում էր ջինսերը. «Դրանց մեջ արտահայտչականություն կա, համեստություն, գայթակղիչ գրավչություն, պարզություն. այն ամենն, ինչ ես ցանկանում եմ տեսնել իմ հագուստի մեջ»։

Կանանց տաբատները պետք է կանացի լինեն, ընդգրկեն կազմվածքն այնպես, որ թաքցնեն կամ ընդգծեն այն, ինչ անհրաժեշտ է։

Իվ Սեն Լորանն առաջին մոդելավորողներից էր, ով կանանց նվիրել է տղամարդկանց զգեստապահարանի շատ էլեմետներ։ Նա իր կյանքի մի քանի տարիներն անցկացրեց՝ աշխարհին ապացուցելով, որ տաբատ հագած կինը գեղեցիկ է, սակայն բնականաբար այն տաբատով, որի մեջ ընդգծվում է նրա կազմվածքը։

Նորաձևությունն անցնում է, ոճը՝ պահպանվում։

«Ինձ համար ֆիզիկապես ցավալի է տեսնել մի կնոջ, ով ինքն իրեն սեփական ձեռքերով նորաձևության զոհ է դարձրել»։ Անհատական ոճը ենթադրում է սեփական առանձնահատկություններն ուսումնասիրելը՝ ուժեղ կողմերն ընդգծելու և թերությունները քողարկելու համար և ոչ թե կուրորեն նորաձևությանը հետևելը։

Էլեգանտ կարող է համարվել միայն այնպիսի տպավորիչ զգեստը, որը երկրորդ անգամ կրել արդեն չես կարողանա։ 

Սեն Լորանը խորհուրդ էր տալիս չափսոսալ փողերը հագուստի համար, եթե պատրաստվում եք կարևոր միջոցառման մասնակցել։ Ինքդ քեզ հարմարավետ զգալն ու հրաշալի տեսք ունենալը  ոսկե կանոն է։

Սերը լավագույն շպարն է։ Սակայն շպարի պարագաներ գնելն ավելի հեշտ է։

Իվ Սեն Լորանի ամենահայտնի ասույթներից է. «Կանանց համար լավագույն հագուստը սիրող տղամարդու գրկախառնությունն է, սակայն նրանց համար, ովքեր զրկված են այդ երջանկությունից, կամ ես»։

Տարիների ընթացքում ես հասկացել եմ, որ զգեստի մեջ ամենակարևորը կինն է, ով այն կրում է։

Արվեստի սիրահար Սեն Լորանը, ով ֆրանսիական նորաձևությունը միավորել է համաշխարհային կինոյին, կարծում էր, որ կարևոր է ոչ միայն հագուստ հագնելը, այլև անհատականություն լինելն ու կատարելության ձգտելը. «Հագուստը պետք է ծառայի կնոջ անհատականությանը, ոչ թե հակառակը»։