Ասել է` ես պարտքերի մեջ եմ, չունեմ քեզ ոչ մի կոպեկ տալու ու դանակահարել է. նոր մանրամասներ

Hraparak.am-ը գրում է . 

Hraparak.am-ին ուշագրավ մանրամասներ են հայտնի դարձել հոկտեմբերի 19-ին «Պատանի լրագրողների» դպրոցում տեղի ունեցած դանակահարության դեպքի մասին: Մեր տեղեկություններով` Լևոն Սահակյանի նշանածը՝ Արեգնազ Թովմասյանը, 2 ամիս առաջ աշխատանքից դուրս է եկել, քանի որ չի դիմացել տնօրենի «այլանդակություններին». «Աջուձախ սաղին խաբելով ֆռում էր: Բայց Արեգնազը շարունակել է դասավանդել՝ հանուն աշակերտների: Լևոնը իմացել է, որ նշանածը կոպեկ-կոպեկ ամիսներ հետո նոր կարողացել է գումար պոկել: Աշխատանքից դուրս գալուց հետո տնօրենը դեռ պարտք է եղել Արեգնազին: Վերջինս Լևոնին ասել է, որ այդ գումարը իրենց պետք չի: Դա «ապասնի» մարդ ա: Առաջ էլի դեպքեր են եղել, ինչպես հետո պարզվել է, տնօրենի հետ կապված: Վահան Ղազարյանը խոսել էր Լևոնի հետ, ասել՝ 2 ամսից արի, ամբողջ գումարը կտամ: Բայց դեռ էդ օրը չեկած, կանչել ա Լևոնին ու ասել՝ արի, գումարը տալիս եմ: Լևոնը գնացել ա, տնօրենը ասել ա՝ ես պարտքերի մեջ եմ, չունեմ քեզ ոչ մի կոպեկ տալու ու դանակահարել ա: Մի 2 ժամ առաջ էլ աշխատողներին հեռացրել ա գործից, ասել՝ էլ չենք աշխատելու: Դրանից 2 ժամ հետո դեպքը եղել ա»: Մեր աղբյուրը փոխանցում է, որ Լևոնը իր ավտոմեքենայով մի կերպ, ինքնուրույն հասել է հիվանդանոց և ընդունարան մտնելուն պես բժիշկները տարել են վիրահատարան:

Փորձեցինք կապ հաստատել նաև հակառակ կողմի փաստաբանի հետ, սակայն այդպես էլ չկարողացանք,  քանի որ դեռ պարզ չէ` Վահան Ղազարյանը ունի՞ հանրային պաշտպան կամ փաստաբան, թե ոչ, իսկ «Պատանի լրագրողների» դպրոցից ոչ մի հեռախոսահամար չկարողացանք գտնել: Հիշեցնենք, որ առավոտյան «Արմենիա» ԲԿ-ի վերակենդանացման բաժանմունքի վարիչ Սուրեն Մակարյանը մեզ հետ զրույցում նշել էր, որ Լևոնի առողջական վիճակում որոշակի դրական միտում նկատվել է, բայց նրա վիճակը շարունակում է ծայրահեղ ծանր մնալ: Նշենք նաև, որ քննչական կոմիտեում դեպքի առթիվ հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 1-ին մասով (սպանության փորձ): Վահան Ղազարյանը ձերբակալվել է։ Նյութի աղբյուրը `