Ես ուզում եմ կատարյալ ժողովրդապետություն, որի ճակատագիրն այս պահին իշխանությունների ձեռքերում է
Լևոն Մութաֆյանը ֆեյսբուքյան իր էջում գրում է.
Չեմ ուզում լարել իրավիճակը, չեմ ուզում հակամարտություն սերմանել, սակայն չեմ կարող լռել:
Իշխանությունները մարտահրավեր նետեցին հայ հանրությանը, չկամեցան հաշվի նստել ստեղծված իրավիճակի հետ, իսկապես գնալ համակողմանի քննարկման: ՀՀԿ խորհրդի դիրքորոշումը մեկ անգամ ևս հաստատում է, որ իշխանությունները ռացիոնալ քայլեր մշակելու, մինչև օգոստոսի 1-ը նոր քննարկումներ կազմակերպելու փոխարեն՝ պնդում են արդեն կայացված որոշումը:
Եթե անց է կացվելու միջազգային աուդիտ, ապա մի՞թե չի կարելի կասեցնելորոշումը՝ մինչև աուդիտի արդյունքների ամփոփումը...
Ավելացնեմ, Ռուսաստանում սկսվել է ՀԷՑ-ի գործունեության առթիվ նախաքննություն, հարուցվում է քրեական գործ: Չի բացառվում, որ առաջիկա օրերին կձերբակալվի Եվգենի Բիբինը:
Այս համատեքստում իսկապես անհրաժեշտ է, որպեսզի մեր իշխանությունները հանդես բերեն ողջախոհություն և հայտարարեն էլեկտրաէներգիայի սակագնի թանկացման մասին որոշման կասեցում:
Սա է ճշգրիտ քայլը:
Գոնե մեկ անգամ լսեք շարքային հայաստանցուս: Հավատացեք, ես չեմ ուզում հակամարտության ձևավորում, ես ուզում եմ խաղաղ Հայաստան:
Ես ուզում եմ կատարյալ ժողովրդապետություն, որի ճակատագիրն այս պահին իշխանությունների ձեռքերում է:
1
2
3
4
5
3
4
5
2
3
4
5
