Ջերմուկում մեկնարկվեց Ստեփան Ավագյանի հիշատակին նվիրված «Ջերմուկ-2015» պատանեկան միջազգային բաց մրցաշարը
Նարեկ Միրզոյանը ֆեյսբուքյան իր էջում գրում է.
Ջերմուկում մեկնարկեցեց Հայաստանի Շախմատի Ակադեմիայի կողմից կազմակերպված, Ստեփան Ավագյանի հիշատակին նվիրված «Ջերմուկ-2015» պատանեկան միջազգային բաց մրցաշարը:
Արդեն ավանդական դարձած այս մրցաշարին մասնակցելու էն Հայաստանի տարբեր մարզերից, ինչպես նաև արտերկրից ժամանած մինչև 18 տարեկան պատանիներ և աղջիկներ:
«Հպարտ եմ, որ այն նվիրվում է Ստեփան Ավագյանի հիշատակին, քանի որ նա շատ մեծ ավանդ ունի Ջերմուկ քաղաքում շախմատի զարգացման և տարածման գործում: Հայաստանի շախմատային ֆեդերացիայի հետ պայմանավորվածության համաձայն, այս հուշամրցաշարը կդառնա ավանդական և ամեն տարի Ջերմուկ կբերի բազմաթիվ հրաշամանուկների՝ տարբեր երկրներից: Հուշամրցաշարին մասնակցում էին շախմատիստներ Հայաստանից, Վրաստանից, Ռուսաստանից, Թուրքմենիայից և Լեռնային Ղարաբաղից», - ներկաններին ուղղված իր խոսքում նշեց Ջերմուկի քաղաքապետ Վարդան Հովհաննիսյանը:
Ներկանների ուղղված իր ողջույնի խոսքում Վայոց ձորի մարզպետ Հարություն Սարգսյանը շնորհակալություն հայտնեց բոլոր ներկա գտնվողներին, շնորհակալություն հայտնեց նաեւ Ավագյանների ընտանիքին շախմատի զարգացման գործում իրենց ներդրման համար, իսկ մրցաշարի մասնակիցներին ցանկացավ բարձր միավորներ եւ հաղթանակներ:
Բացման արարողությանը իրենց ողջույնի եւ շնորհակալական խոսքով հանդես եկան «Ջերմուկ Աշխարհ» առողջարանային համալիրի տնօրեն Կարեն Ավագյանը եւ այլոք:
«Ջերմուկ-2015» պատանեկան միջազգային բաց մրցաշարը նվիրվում է Ստեփան Ավագյանի հիշատակին, ով էապես նպաստել է քաղաք Ջերմուկում շախմատի զարգացմանը, ինչպես նաև իր մեծ ներդրումն է ունեցել նախորդ տարիներին այս մրցաշարի կազմակերպչական գործում: Բացման արարողության ընթացքում ցուցադրվեց տեսահոլովակ, որտեղ Ստեփան Ավագյանի ընկերները կիսվում էին վերջինիս հետ կապված իրենց մտքերով և հիշողություններով:
Հիշեցնեմ նաեւ, մրցաշարին կարող են մասնակցել մինչև 18 տարեկան պատանիներ և աղջիկներ: Մրցաշարն անցկացվելու է տարբեր տարիքային խմբերով, շվեյցարական մրցակարգով, 9 խաղափուլով: Իսկ մրցաշարի փակման արարողությունը տեղի կունենա Հուլիսի 6-ին:
1
2
3
4
5
1
2
3
4
5
3
4
