ՆՏՎ-ի լրագրողին իրականում թվացել է, թե հեռացված է աշխատանքից

Aravot.am-ը գրում է.

Երեկ երեկոյան տեղեկատվություն տարածվեց, թե Երեւանում էլեկտրաէներգիայի թանկացման դեմ ընթացող ցույցերը լուսաբանող ռուսական ՆՏՎ հեռուստաընկերության թղթակից Անաստասիա Պակը զրուցել է ցուցարարների հետ եւ հուզված ասել է, որ իրեն աշխատանքից ազատել են, քանի որ ուղիղ եթերում ցուցարարները իր խմբագրության համար անընդունելի բովանդակությամբ պաստառներ են պահել: Այս տեղեկատվությունն այսօր Ֆեյսբուքի իր էջում հերքել է «Գոլոս Ռոսիի» ռադիոկայանի սեփական թղթակից Էլինա Ղազարյանը. «Հուզված լրագրողի եւ ՆՏՎ-ի օպերատորի ցուցարարների հետ շփման նախապատմությունը հատուկ ուշադրության կարիք ունի:

Մի խումբ սադրիչներ (որոնք մտել են քաղաքացիների մեջ եւ որոնց համար իսկապես կարեւոր է ԶԼՄ-ներին, հատկապես՝ ռուսականներին, տեղի ունեցողի անաչառ պատկերը փոխանցել) լկտի կերպով խանգարել են լրագրողի աշխատանքն ուղիղ եթերում»: Ըստ Էլինա Ղազարյանի՝ դրանից հետո լրագրողի մոտ էմոցիոնալ պոռթկում է եղել, որովհետեւ ուղիղ եթերի ժամանակ քաղաքացիները նրա դեմքը փակել են թղթերով եւ ցուցապաստառներով. «Եթերից անմիջապես հետո տեսածից ու լսածից սարսափած Մոսկվայից զանգել է խիստ ղեկավարությունը:

Հենց այդ պատճառով է նա ասել, որ զրկվել է աշխատանքից»: «Գոլոս Ռոսիի» լրագրողը նաեւ հերքել է այն տեղեկատվությունը, թե հեռանալիս ՆՏՎ-ի օպերատոր Զաքիր Անսարովն ասել է, որ առանց Ռուսաստանի Հայաստանը մեկ օր էլ չի ապրի. «Դրանում համոզվելու համար պետք է ուղղակի ուշադիր լսել տեսագրությունը: Լավ լսողություն ունեցող մարդիկ կհասկանան, որ այդ արտահայտությունը ասողի ձայնը բավականին տարբերվում է նրանից, որը հրաժեշտի եւ «շնորհակալության» խոսքեր է ասում Երեւանին: Եվ համաձայնեք, որ այդ արտահայտությունը, թե «Հայաստանն առանց Ռուսաստա