Բաղրամյանում մեր հին համակարգն է վեր հառնում...
Blog
Պեպանյան Արծրունը ֆեյսբուքյան իր էջում գրում է.
Բավական հայտնի մի հայ ինձ մի անգամ պատմեց հետևյալը:
- Տարիներ առաջ Ծաղկաձորում սեմինար-քննարկում էր ջրերի մաքրության հարցով՝ դրսից հյուրերի մասնակցությամբ: Կեսից եկավ նաև Ռուսաստանի դեսպանը ու թեման փոխելով, սկսեց մեզ՝ հայերիս, հարցեր տալ, թե ի՞նչ կերպ է հնարավոր փրկել դեպի կործանում գնացող աշխարհը: Մենք մեր պատերացումներն ասացինք: Դեսպանը խնդրեց մանրամասնել ու այդ թեմայով էլի լիքը հարցեր տալ: Մենք սրտնեղեցինք, ասելով, որ այդ ոլորտի մասնագետ չենք, ի՞նչ է ուզում ինքը մեզանից: Դեսպանը ծիծաղեց ու ասաց, թե՝ չե՞ք հասկանում, թե ինչու՞ եմ ձեզ տանջում իմ հարցերով: Դուք հին ժողովուրդներից եք ու խելացի եք, դու՛ք եք գտնելու աշխարհը կործանումից փրկելու հնարը…
Այս պատումը լսելուց ամիսներ անց մի խնջույքի էի մասնակցում: Հասարակական- կրոնական մի կազմակերպության ներկայացուցիչ ոգևորությամբ սկսեց պատմել այն մասին, որ ԱՄՆ դեսպանատնից օրեր առաջ իրենց հրավիրել էին հանդիպման: Պատմողի դեմքի հպարտությունը տեսնելով, ընդհատեցի նրան ու ասացի՝
- Կուզե՞ք՝ ասեմ , թե ինչու՞ էին հրավիրել:
- Բայց ինչպե՞ս կարող եք ասել, երբ դուք ներկա չեք եղել,- զարմացավ մարդը:
- Այո, ներկա չեմ եղել, բայց ենթադրում եմ , թե ո՞րն է եղել հրավերի թեման:
Հասարակական- կրոնական կազմակերպության ներկայացուցիչը թերահավատությամբ սպասում էր իմ խոսքին:
-Ձեզ հրավիրել են ու խորհուրդ հարցել, թե ինչպե՞ս կարելի է փրկել դեպի կործանում գնացող աշխարհը:
- Ապշել կարելի է,- բացականչեց տղամարդը,- հենց այդպես էլ եղել է: Ինչպե՞ս իմացաք ախր:
Աշխարհը արժեհամակարգային ճգնաժամի մեջ է, ու իմացողները գիտեն, որ մենք, հայերս, ունակ ենք այդ խնդիրը լուծել և առաջարկել մարդկային համակեցության առաջադեմ համակարգ: Իսկ ունակ ենք, քանի որ շատ հնում ապրել ենք այդ համակարգով: Ու այդ համակարգը մեր գեների միջից վեր հառնելու հերթական փորձն է անում Բաղրամյան պողոտայում: Մնում է ուշադիր լինենք և այնպես կազմակերպենք ժողովրդին, որ չկրկնվի 1990- ականների նահանջը:
1
2
3
4
5
1
2
3
4
5
5
