Գեղեցկության գաղտնիքներ, որոնք երբեք դուրս չեն գա նորաձևությունից

Լife.tert.am-ը գրում է . 

Կանայք մշտապես պետք է լավ տեսք ունենան` անկախ օրվա թոհուբոհից, հոգնածությունից կամ տրամադրությունից: Գեղեցկությունն ընդգծելու համար հաճախ կանայք շատ ժամանակ են ծախսում «խորամանկ» դիմահարդարում անելու կամ կատարյալ սանրվածք ստանալու համար: Սակայն կատարյալ տեսքի գրավականը շատ ավելի պարզ մեթոդների ու հետևողական խնամքի մեջ է:

Այս մասին գրում է AdMe.ru-ն և ներկայացնում ժամանակով ստուգված մի շարք գաղտնիքներ, որոնք կօգնեն լավ տեսք ունենալ` շատ ժամանակ չխլելով:

Վարսերը

· Վարսերին ալիքաձև տեսք տալու համար, կարելի է գլխին ռեզին-ժապավեն կապել և վարսերը պարզապես փաթաթել դրա շուրջն ու թողել ողջ գիշեր:

· Վարսերը սանրել հարկավոր է արմատներից դեպի ծայրեր: Դա կօգնի բնական փայլ հաղորդել վարսերին:

· Վարսերը պետք է պաշտպանել արևից. մի մոռացել գլխարկ դնել կամ շարֆ փաթաթել:

· Մազաթափությունից խուսափելու համար պետք է քնել մետաքսե կամ ատլասե կտորից կարված բարձի վրա, կամ 100 տոկոսով բնական կտորից:

· Վարսերին վիզուալ փարթամ տեսք հաղորդելու համար կարելի է փոխել վարսերի բաժանման գիծը:

· Վարսերի առողջության համար օգտագործեք սուլֆատներ չպարունակող շամպուն:

Հոնքերը

· Ավելորդ մազերը հանելուց առաջ խոնավեցրեք մաշկը բամբակի օգնությամբ:

· Հոնքերի մազերը պետք է հանել մազի աճի ուղղությամբ:

· Հոնքերը ներկելիս կարիք չկա ամբողջությամբ ներկել, այլ ընդգծել ծայրերը կամ «լցնել» նոսր հատվածները:

Աչքերը

· Թարթիչներին սևաներկ քսելիս գլուխն ուղիղ պահեք: Երբ կզակը առաջ եք բերում, սևաներկը կոպին է քսվում:

· Ստորին կոպին սևաներկ քսելիս աչքերը վիզուալ փոքր տեսք են ստանում:

· Աչքերին վիզուալ մեծ տեսք հաղորդելու համար ստորին կոպին կարելի է սպիտակ մատիտ քսել:

Մաշկը

· Մաշկին պետք չէ առանց կարիքի ձեռք տալ: Ձեռքերի բակտերիաները կարող են բշտիկների առաջացման պատճառ դառնալ:

· Երբեք մի սեղմեք բշտիկները: Այդպես կարող եք վնասել մաշկի հյուսվածքը, որից սպի կմնա:  

· Դեմքի մաշկի գույնը տարբերվում է դաստակի գույնից: Այդ պատճառով խորհուրդ չի տրվում տոնային քսուքի գույնը փորձարկել ձեռքի վրա, այլ պարանոցի:

· Մաշկի համար ամենաբնական սկրաբը աղացած սուրճն է:

· Եղունգները ներկելիս պետք է սկսել ճկույթից: Այդպես չեք վնասի արդեն իսկ ներկված մատները:

· Իսկ հիասքանչ տեսք ունենալու ամենագլխավոր, արդյունավետ և արագ միջոցը ժպտալն է: