11 միֆ մարդու օրգանիզմի մասին, որոնց մենք կուրորեն հավատում ենք

Ամեն քայլափոխի մենք հանդիպում են զանազան կարծիքների՝ կապված մարդու օրգանիզմի առանձնահատկությունների հետ, որոնք, մեղմ ասած, սխալ են։ Դրանցից շատերն այնքան են տարածվել, որ այժմ օգտագործվում են որպես հավաստի փաստ և բազմիցս օգտագործվում որպես որոշ ենթադրությունների հիմանասյուն գաղափար։ 

BlogNews-ը հավաքել է 11 այդպիսի տարածված կարծիքներ, և հավաստիացնում է Ձեզ, որ դրանք ընդամենը միֆեր են։

Միֆ #1. Վիտամինները մեզ առողջ են դարձնում

Վիտամինները հաբեր են, որոնք մեզ ավելի առողջ կդարձնեն։ Իրականում դա այդպես չէ։ Վիտամինները միայն կարգավորում են օրգանիզմում ընթացող գործընթացները. դրանց պետք է զգուշությամբ ընդունել, քանի որ շատ դեպքերում վիտամինի ավելցուկը ավելի շատ վնաս է հասցնում, քան դրա պակասը։

Միֆ #2. Առանց թթվածնի արյունը կապույտ է

Առանց թթվածնի արյունը, որը երակներով գնում է դեպի սիրտ, ոչ թե կապույտ է, այլ մուգ կարմիր։ Դպրոցական դասագրքերում այն կապույտ են նկարում զանազանության համար։ Իսկ երակները, որոնք մաշկի տակից երևում են, կապտավուն երանգ են ստանում լույսի բեկման պատճառով։

Միֆ #3. Շագանակագույն շաքարն ավելի օգտակար է, քան սպիտակը

Իրականում շագանակագույն և սպիտակ շաքարները նույն բանն են։ Նրանց մեջ տարբերվում է միայն մեկ՝ գունային բաղադրիչը, որը ոչ մի ազդեցություն չունի օգտակարության վրա։

Միֆ #4. Ալկոհոլը սպանում է ուղեղի բջիջները

Մեծ քանակությամբ ալկոհոլն ազդում է օրգանիզմի նյութափոխանակության գործընթացների վրա, հանգեցնում է թթվածնի սակավության և վնասում է միջբջջային կապերը, սակայն ոչ մի դեպքում չի սպանում ուղեղի բջիջները։

Միֆ #5. Շաքար ուտելու պատճառով երեխաները հիպերակտիվ են դառնում

Շաքարը չի կարող երեխաներին հիպերակտիվ դարձնել. դա ընդամենը միֆ է։ Շաքարն ուղղակի կալորիաներ է, իսկ կալորիաները՝ էներգիա։ Հենց այդ պատճառով էլ, երբ որոշ երեխաներ չարաշահում են քաղցրավենիքը, դառնում են հիպերակտիվ։ Սակայն սա չի նշանակում, որ երեխաները կարող են շաքար ուտել. դա շատ վնասակար է ատամների համար։

Միֆ #6. Նյարդային բջիջները չեն վերականգնվում

Հայտնի պնդումը, թե նյարդային բջիջները չեն վերականգնվում, անհիմն է և սխալ։ Իրականում նյարդային բջիջների մահը անընդհատ և բնական գործընթաց է։ Դրանց վերականգնումը տեղի է ունենում ուղեղի տարբեր հատվածներում։ Սթրեսային իրավիճակներում տուժում են ոչ թե նյարդային բջիջները, այլ այն նյութերը, որոնք ապահովում են այդ բջիջների աշխատանքը և միջբջջային կապը։

Միֆ #7. Ձախ կիսագունդը պատախանատու է ստեղծագործ աշխատանքի համար, իսկ աջը՝ տրամաբանական

Ճիշտ է, որ կիսագնդերից մեկը պատասխանատու է մի գործողության համար, իսկ մյուսը՝ մեկ այլ, սակայն գիտնականները դեռևս չեն գտել այնպիսի մարդու, ում կիսագնդերը տարբեր զարգացվածության մակարդակ ունեն։ Բանն այն է, որ տրամաբանության համար պատասխանատու են ուղեղի մի շարք հատվածներ, որոնք գտնվում են թե՛ աջ և թե՛ ձախ կիսագնդերի վրա։

Միֆ #8. Պետք է քնել օրական 8 ժամ

Բոլորը գիտեն նորմը՝ առողջ քունը պետք է տևի 8 ժամ, սակայն իրականում տարբեր մարդկանց հարկավոր է տարբեր քանակի քուն, ինչի պակասը կամ ավելցուկը կարող է վատ անդրադառնալ օրգանիզմի առողջության վրա։ Օրինակի՝ որոշ մարդկանց բավարար է 6 ժամ քունը, իսկ ոմանք չեն կարողանում հանգստանալ նույնիսկ 9 ժամ քնելուց հետո։

Միֆ #9. Հակաբիոտիկները սպանում են վիրուսները

Իրականում հակաբիոտիկները սպանում են բակտերիաները։ Իսկ, օրինակ, գրիպը առաջանում է վիրուսի պատճառով, որի դեմ անզոր է նույնիսկ ամենահզոր հակաբիոտիկը։ Վիրուսի դեմ հակաբիոտիկ օգտագործելը նման է թևը վիրակապելուն՝ գլխացավից ազատվելու համար։

Միֆ #10. Շոկոլադ = սև կետեր

Գիտնականները հատուկ փորձ են անցկացրել։ Նրանք մարդկանց տվել են կոնֆետներ, որոնք սովորականից 10 անգամ շատ շոկոլադ են պարունակում։ Եվ երբ համեմատել են փորձից առաջ հաշված սև կետերի քանակը փորձից հետո հաշվածի հետ, չեն գտել որևէ տարբերություն։

Միֆ #11. Շաքարը կախվածություն է առաջացնում

2009 թվականին գրվել է մի գիրք, որը հիմնված է եղել գիտափորձի վրա։ Փորձի ընթացքում մի քանի օր շարունակ գիտնականները լաբորատորիայի առնետներին կերակրել են մեծ չափաբաժին շաքարով։ Դրանից հետո առնետները ուղղակի չէին կարողանում ապրել առանց շաքարի, սակայն նույն փորձը կատարելով մարդկանց վրա՝ գիտնականները պարզել են, որ մարդու մոտ ոչ մի կախվածություն չի առաջանում։ Բացի այդ՝ ոչ ոք չի ցանկանա մեծ քանակով շաքար ուտել՝ մոռանալով մնացած բոլոր ուտեստները։