Այսօր մի ինֆո աչքովս ընկավ ընդդիմադիր կայքերից մեկում, թե իբր վաղը դատավորները հավաքվելու են դատավոր դատեն

Միշ Գաբրիելյանը ֆեյսբուքյան իր էջում գրում է. 

Այսօր մի ինֆո աչքովս ընկավ ընդդիմադիր կայքերից մեկում, թե իբր վաղը դատավորները հավաքվելու են դատավոր դատեն: Հենց սկզբից էլ ծիծաղ առաջացրեց փաստը, որ ընդդիմադիր կայքը դատավորի է պաշտպանում: Էն էլ ինչ դատավորի, մի հզոր տղի՝ Շենգավիթի վարչականի Իշխան Բարսեղյանին:

Մի հոյակապ անձնավորություն, սպորտսմեն, գիտնական երևի, մի բարոյականության տիպար, կյանքում ճանճ չտրորած, մի արդարադատ անձնավորություն, ով սակայն դատարանում, իր փառապանծ դատավարությունները վարելուց հետո, դատարանի աշխատողներին խնդրում է, որ նրանց մեքենաների մեջ պպզած դուրս գա դատարանի տարածքից, որ մարդ չտեսնի:

Դե սպորտսմեն է, կարողանում է լավ պպզել: Այ այդ ժոռնալիստ-կոլեգաներս, որ մի փոքր բարեխիղճ լինեին այդ խեղճուկրակ Բարսեղյանին պաշտպանելու գործում, երևի պիտի այդ պպզելու՝ մեքենաների մեջ պպզելու պահով մի քիչ խորանային ու գրեին նաև, որ ախր մարդն իր աշխատավայրում էլ ահաբեկված նստած է, հասկանում եք, սպառնալիքներ կան ախր:

Ախր դատարանի շենքից դուրս անընդհատ մինի միտինգ է, մի շարք անձինք անընդհատ հավաքվում ու նրան հայհոյախառն դուրս են կանչում, դե երևի պատճառներ ունեն, երևի դրանք այն մարդիկ են, ում գումար կամ չգիտեմ էլ ինչ է պարտք, երևի դրանք այն մարդիկ են ովքեր տարբեր դատական հայցեր ունեն Իշխանի դեմ, ինքն էլ պատասխանողն է, ինքը դատավոր ու դատվում է փաստորեն, իսկ պարքերն էլ, դե երևի մարդ է, մահկանացու, մոլություններ էլ կունենա, ասենք կազինո-մազինո. էդպես էլ կուտակած կլինի հավանաբար:

Չէ, վաղը գնալու եմ հաստատ իր կարգապահական դատին մասնակցեմ, տեսնեմ էս մեզ՝ բոլորիս հայտնի փաստերի կապակցությամբ են տղին նեղելու իրենց դատավորները? թե այլ հետաքրքիր մեղքեր էլ ունի իր հաշվին: Իրեն թևի տակ առած լրատվամիջոցից էլ տեսնեմ մարդ կգա, որ գոնե մի քիչ ավելի ճշմարտանման բաներ գրի իր պաշտպանյալի մասին: 

Իշխան դատավոր, ճիշտ է, որ արդարադատության առաջ մեղա գալը մեղմացնում է արած-չարածդ?