ՀԿ նախագահ. Հայաստանում ոչ մի կերպ չի կարգավորվում մեքենաների ապակիներին թաղանթներ փակցնելու կարգը
Հասարակություն
Հայաստանում չի կարգավորվում մեքենաների ապակիներին երանգային թաղանթներ փակցնելու կարգը: Այս մասին հոկտեմբերի 10-ին լրագրողներին ասաց Ավտովարորդների իրավունքների պաշտպանության «Աքիլլես» հասարակական կազմակերպության նախագահ Էդուարդ Հովհաննիսյանը:
Հայաստանում արգելված է ավտոմեքենայի դիմապակուն մուգ թաղանթ փակցնելը, եթե լույսի անցանելիությունը 75 տոկոսից ցածր է: Բայց դա դեռ պատճառ չէ, որպեսզի Ճանապարհային ոստիկանության տեսուչները մոտենան կասկածելի մեքենային, կտրեն եւ պոկեն այն, կարծում է նա:
«Ես չեմ խոսում այն մասին, որ թաղանթները պետք է մնան: Այլ այն մասին, որ չի կարելի ստուգել, եթե այդպիսի կարգ չկա: Կարգ ընդունեք, եւ այդ ժամանակ ով չափից ավելի մթնեցնի ապակիները, նրան տուգանեք: Իսկ քանի դեռ այդպիսի կարգ չկա, ստուգումն անհնար է: Մենք դա կարողացանք ապացուցել նաեւ դատարանում»,- ասաց Հովհաննիսյանը:
Չափաբանության հանրապետական ինստիտուտում սարք կա, որը որոշում է ապակու միջով լույսի անցանելիությունը: Բայց այն դարակի վրա փոշոտվել է:
1
2
3
4
5
1
2
3
4
5
2
3
4
5
