ԱՐԴԻԱԿԱՆ է…

Վահե Ղազարյան ֆեյսբուքյան իր էջում գրում է.

Մի ծեր իմաստուն սամուրայ էր ապրում: Մի անգամ, երբ աշակերտների հետ դաս էր անում, նրան մոտեցավ կոպտությամբ և դաժանությամբ հայտնի մի երիտասարդ մարտիկ, ում սիրելի հնարքը` սադրանքն էր: Նա ափերից հանում էր հակառակորդին, վերջինս էլ, զայրույթից կուրացած, ընդունում էր նրա մարտահրավերը: Սխալ սխալի հետևից ու արդյունքում հակառակորդը պարտվում էր: Երիտասարդ մարտիկը սկսեց վիրավորել ծերուկին, բայց նա հանգիստ շարունակում էր դասը: Օրվա վերջում սադրիչը հոգնեց և հեռացավ: Ծերուկի չափից շատ ներողամտությունից զարմացած աշակերտները հարցրին նրան. 

-Ինչո՞ւ չպատասխանեցիք նրան: Վախեցա՞ք պարտվելուց: 
Ծեր սամուրայը պատասխանեց. 

-Եթե ինչ որ մեկը ձեզ մոտ գա նվերով և դուք այն չընդունեք, ո՞ւմ կմնա նվերը..

-Նախկին տիրոջը,- պատասխանեցին աշակերտները:

-ճիշտ է, նույնը վերաբերում է նաև ատելությանը: Քանի դեռ դու չես ընդունել, դրանք կպատկանեն նրան, ով բերել է: