Անկախ նրանից՝ կառավարության մտքին ինչ կա, մենք մտնում ենք խաղի մեջ ու սեղմելով, քշելով առաջ ենք գնալու. Մակարյան

Գործարար համայնքն այնքան միամիտ չէ, որ հավատա կառավարության խոստումներին: Այս մասին, այսօր՝ հոկտեմբերի 7-ին, լրագրողների հետ զրույցում այս մասին ասաց Հայաստանի գործատուների հանրապետական միության նախագահ Գագիկ Մակարյանը։

ՆՄրա խոսքով, թեեւ նոր կառավարությունը սիրաշահում եւ հույսեր է արթնացնում հանրության ու գործարար հատվածի մեջ, բայց վստահություն բառը դեռ շուտ է օգտագործելու համար:

«Տնտեսվարողները շատ զգուշավոր են եւ եղնիկի նման ականջները այս ու այն կողմ են շարժում՝ տեսնեն վտանգները որտեղից են գալիս: Մենք պետք է կառավարենք այդ ռիսկերը: Հայաստանում տնտեսության զարգացման համար ռիսկերի կառավարման մոդելի կիրառման անհրաժեշտություն կա»,-ասաց տնտեսագետը՝ հավելելով, որ Հայաստանում Ճգնաժամը խրոնիկական բնույթ ունի։

Նա ընդգծեց, որ այսօր իրենք կառավարություն են ուղարկում ծրագիր. «Այնտեղ ներառված է մեր առաջարկների մեծ փաթեթը, որտեղ մեծ բլոկներով տվել ենք մեր տեսակետները: Դեռ նախորդ կառավարության կողմից երբ կառուպցիայի դեմ պայքար սկսվեց, ես ասել եմ, որ ձեռք ենք տվել, ուրեմն խաղում ենք: Մենք էլ ենք խաղում: Այսինքն անկախ նրանից՝ իրենց մտքին ինչ կա, անկախ նրանից, թե ով ում հետ ինչ է պայմանավորվել, մենք դա դնում ենք մի կողմ, մտնում ենք խաղի մեջ՝ մեր հեղինակությամբ, մեր դիրքորոշմամբ ու սեղմելով, քշելով տանելով պիտի առաջ գնանք: Այդ մոդելը պիտի աշխատի»: