Հայկական Չ-Մայդանը և ռուսական ու արևտմտյան լրատվամիջոցների շահարկումները դրա շուրջ

- Օրակարգում առ այսօր միայն սոցիալական բնույթի հարցեր են ու ի տարբերություն Մայդանի, առ այսօր չկա ոչ ներքաղքական հարց, ոչ էլ արտաքին վեկտորը փոխելու պահանջներ։

- Ի տարբերություն Մայդանի, առ այսօր, չկա ոչ մի քիչ թե շատ հստակ հիերարխիա ու առաջնորդություն։ Ու թեև արևմտամետ ու մայդանապաշտ անհատները քիչ չեն, միևնույն է, նրանք գլոբալ եղանակ չեն փոխում։

- Ի տարբերություն Կիևի, ամերիկյան ու այլ դեսպանատները առ այսօր ոչ մի լուրջ դերակատարություն չունեն պրոցեսսում։

Սա դասական սոցիալական բունտ է։ Իհարկե, եթե սոցիալական բունտին բերած սոցիալական խնդիրները լուծում չստանան, կա հավանականություն, որ այն կվերաճի քաղաքական ընդվզման, բայց առայժմ պրոցեսսը դեռ թարմ է ու դինամիկան ամենևին այդ ուղղությամբ չէ։

Իսկ հիմա միջազգային ԶԼՄ-ների մասին։

Ինձ մոտ ու ոչ միայն ինձ մոտ, խորը տարակուսանք ու զզվանք է առաջացնում այն, թե ինչպես են Երևանյան իրադարությունները լուսաբանում ռուսական ու արևմտյան լրատվամիջոցները։ Տպավորություն է, որ սրանք իրենց տեղեկատվական պատերազմն իներցիայով տեղափոխել են մեզ վրա ու հիմա գրոհում ու հակագրոհում են իրար վրա։ Արևմտյաններն ու Ուկրաինականները փորձում են այս ամենը հնարավորինս ներկայացնեն հակառուսական շեշտադրումներով, ռուսներն էլ իրենց հերթին առաջին օրերին բացառապես Մայդանից էին խոսում, իսկ հիմա ավելի մեղմացրել են հռետորաբանությունը, բայց շարունակում են ինչ որ զուգահեռներ անցկացնել։

Ինչևէ, անցած օրը հատկանշական էր միանգամից մի քանի դրվագներով։

Նախ, նույնիսկ տրանսպորտի թանկացման բողոքների ժամանակ, չկար նման միահամառություն ու միև(նույն ժամանակ բարիություն։ Չարացածությունը ոստիկանության ու ցուցարարների միջև կարծես թե անցել է ու հաշտեցման եզրեր են ստեղծվել։ Ողջ օրվա ընթացքում Ոստիկանությունը ընդգծված բարեհամբույր էր ու ոչ կոնֆլիկտային ու նույնն էլ ցուցարարների մասով կարելի է ասել։ Տա աստված, որ այս ոգին ու բարիություն պահպանվի։

Հետո, խիստ դրական եմ գնահատում այն, որ երեկ քաշեցին Լայֆնյուզի ու Զվեզդայի լրագրողների գյամերը՝ Մայդանի հետ զուգահեռներ անցկացնելու համար, ինչպես նաև խիսոտ հատկանշական է, որ բերման են ենթարկել ուկրաինայի ինչ որ գաղաքացու, որը փորձել է սադրել։ Համացանցով տեսա միայն բերման ենթարկելու մասին լուրը ու չգիտեմ, թե որքանով է դա համապատասխանում իրականությանը, բայց հեռուստատեսությամբ ասացին, որ այդ ուկրաինուհուն ի սկզբանե բռնել են ցուցարարները ու հետո հանձնել են ոստիկանության։ Ամեն դեպքում, խիստը կարևոր է, որ մերոնք չեն կորցնում զգոնությունը ու չեն թողնում, որ սադրիչներն ու դիզինֆորմատորները զտվեն ընդհանուրի մարմնից։